Humanizacións, Vigo Vertical, dotacións deportivas e culturais así como o inicio do deseño do futuro Vigo Arena, o recinto que albergará concertos, espectáculos e todo tipo de eventos, son as cuestións que estiveron sobre a mesa na primeira xuntanza do goberno encabezada por Abel Caballero.
O alcalde e presidente de Zona Franca fixo balance positivo do congreso de economía Vigo Global Summit que se desenvolveu o martes e mércores no Auditorio Mar de Vigo e organizado polo ente depende do Ministerio de Hacienda. “Vou propoñer que sexa bienal”, declarou aos medios. Un evento no que participaron os Nobel de Economía, Paul Krugman e Abhijit BanerJee, entre outras autoridades no mundo económico. “Vigo estivo en España e no mundo ocupando un lugar tan notable neste ámbito”, afirmou.
Abel Caballero mantivo un encontro este mércores cos 21 novos axentes que se incorporan á Policía Local no seu período de práctica profesional. O rexedor trasladoulles o seu “apoio e confianza no papel de acción e formación” que van desenvolver e recoñeceu a complexidade do seu traballo, unha tarefa que valora a cidadanía, sinalou, e que contribúe á “vertebración e cohesión de Vigo. Ides facer unha tarefa moi importante”.
Durante a clausura do Viglobal Summit 2023, o alcalde e presidente de Zona Franca apostou pola organización de máis encontros como o organizado polo 75 aniversario do ente. Na última xornada, Abhijit Banerjee, Premio Nobel de Economía en 2019, expuxo a súa análise “crítica” do sistema sanitario dos Estados Unidos
Ambos os mandatarios mantiveron unha xuntanza de cortesía na Alcaldía onde analizaron os temas que a cidade ten en marcha xunto ao Goberno de España e os fondos europeos Next Generation EU, que a través do Plan de Recuperación, Transformación e Resiliencia xa sufragan en Vigo investimentos por valor de 75 millóns de euros.
Abel Caballero e Manuel Reigosa mantiveron un encontro este martes no Concello para abordar a cesión do edificio Siemens da ETEA ou o uso das aulas do Auditorio Mar de Vigo.
A novena edición do programa municipal para decorar murais continúa co pintado das tres obras restantes nas próximas semanas. Este martes, Javier Magalhaes inicia a súa actuación en Abeleira Menéndez.
O alcalde mantivo unha xuntanza coa Delegación Territorial en Galicia do Colexio e Asociación de Enxeñeiros Navais e Oceánicos na que iniciaron un proceso de cooperación para dar a coñecer o sector naval. Nesta reunión acordouse comezar coa organización dunhas xornadas para a difusión dos buques oceanográficos, poñer en valor o PERTE do naval e dar a coñecer o estado do sector en España, as tecnoloxías de construción e interacción co mundo da pesca. Caballero agradeceu o interese por Vigo e manifestou o seu interese pola iniciativa a Jorge Dahl, o decano territorial.
O alcalde especificou que arrincará o “xoves 22 de xuño, cun total de 9 liñas que conectarán o centro de Vigo con todos os areais da cidade”. A noite de San Xoán tamén haberá servizo especial.
O alcalde estivo presente na inauguración da feira Mindtech, a exposición referente do sector industrial do Polo Ibérico na que están presentes as empresas líderes do metal e as súas tecnoloxías asociadas tanto a nivel nacional como internacional. Abel Caballero subliñou no seu discurso a importancia da tecnoloxía nos avances do benestar. Amais, puxo Vigo de referente como "cidade da economía" no que ten tanto peso o sector industrial, tanto naval, como o automobilístico ou a propia pesca. Caballero percorreu a feira acompañado doutras autoridades nas que comprobou de primeira man as novidades tecnolóxicas na industria a nivel mundial.