Á venda as 5.000 reservas para o concerto de Vanesa Martín o vindeiro 31 de xullo
O Concello puxo hoxe á venda as 5.000 reservas de platea para o concerto de Vanesa Martín, programado para o xoves 31 de xullo en Castrelos. Mañá mércores activarase a venda das reservas para o concerto de Jason Derulo, que se celebrará o domingo 3 de agosto e que será ás 23.00 horas. Na web municipal tamén se poden adquirir entradas para o recital de Rozalén, este xoves 24 de xullo.
