O alcalde visita a nova torre de control dixital do aeroporto de Peinador
O alcalde asistiu este martes, coa primeira tenente de alcaldía, o delegado do Estado no Consorcio de Zona Franca, e directivos do Ministerio de Transportes e Mobilidad Sostible, AENA, a Axencia Estatal de Seguridade Aérea e de SAERCO, á operativa da nova torre de control dixital e remota do aeroporto de Peinador, a primeira das súas características en España.
Abel Caballero destacou que a nova infraestrutura de control do tráfico aéreo do Aeroporto de Vigo conta cun investimento de sete millóns de euros. “Somos o primeiro aeroporto de España que a ten. Isto é a vangarda, a modernidade”, remarcou, ao lembrar que se puxo en marcha o pasado 17 de xuño.
O sistema conta con 19 cámaras, das que 14 son fixas, 2 móbiles e 3 adicionais situadas en distintos enclaves, que proxectan imaxes nunha plantalla de videowall formada por 13 monitores de 55 polgadas. “É unha forma excepcional de ver toda a aterraxe en 360 graos”, destacou o rexedor.
“Estamos encantados de que Vigo sexa o primeiro aeroporto que ten en funcionamento este sistema”, recalcou.