O alcalde anunciou a apertura, mañá sábado 15 de marzo, de VigoNature, despois de catro meses e medio de obras para avanzar na transformación do antigo zoolóxico nun Centro de Divulgación Ambiental de vangarda que conta cunha vocación substancialmente didáctica e de lecer.
Abel Caballero e a tenente de Alcalde, Carmela Silva, achegáronse este venres á xornada “O Pazo de Castrelos, unha experiencia práctica na xestión e restauración de xardíns históricos” onde expertos debatían hoxe sobre os valores botánicos e a recuperación do espazo.
O alcalde saudou este xoves, na lonxa do Concello, aos 30 alumnos de sexto de primaria do CEIP Chans Bembrive que participan na visita guiada ás principais instalacións municipais dentro do programa didáctico "Visita o teu Concello". Abel Caballero trasladou ao estudantado a importancia do Concello na calidade de vida da cidadanía, así como na planificación de proxectos futuros que melloran a contorna urbana. Máis de 2.500 estudantes de 50 colexios participan no programa neste curso.
O rexedor achegouse esta mañá ao Farol de Urzáiz, localización onde Disney instalou un dos elementos máis icónicos da película: a mazá. Trátase dun elemento que supera os 3 metros de altura, que pesa uns 120 quilogramos, que contén o título do filme e a data de estrea, o vindeiro venres 21 de marzo. Caballero sinalou que Disney presenta o filme "na mellor cidade de España que é Vigo", explicando que na historia de Blancanieves "os soños fanse realidade, como na nosa cidade". Protagonizada por Rachel Zegler e Gal Gadot, realiza unha versión renovada do clásico de 1937.
Abel Caballero animou hoxe ás 48 alumnas e alumnos de quinto e sexto de Primaria do CEIP Eduardo Pondal, que participan no programa educativo municipal "Aventura no Vigo Vello. Reconquista 2025", a gozar do coñecemento da historia da cidade percorrendo os enclaves fundamentais da xesta protagonizada polos vigueses no ano 1809 coa expulsión das tropas napoleónicas. Preto de 1.000 escolares participarán nas recreacións dramatizadas guiadas por actores que interpretan os papeis do alcalde Vázquez Varela, do soldado francés Pierre de la Pierre e da taberneira Xoana Rial.
O alcalde avanzou a proposta na inauguración de “Mulleres que pintan”, unha mostra de quince obras de oito artistas viguesas que poderá visitarse na antesala da Alcaldía de Vigo durante un mes.
Abel Caballero explicou hoxe ao alumnado de quinto e sexto de primaria do Colexio Labor, que son os primeiros en participar na iniciativa didáctica, a transcendencia da histórica xesta protagonizada en 1809 pola cidadanía ao expulsar as tropas francesas. "Queremos que os escolares entendan a historia e que penetren nela entretidos e divertidos", afirmou.
O alcalde presentou hoxe, co presidente da Asociación Cultural Interfolc Internacional e os concelleiros de Educación e de Cultura, o “Día da Muiñeira 2025”, que terá lugar o 18 de maio na rúa Venezuela, a partir das 11 da mañá.
O Concello celebra o Día Internacional da Poesía co programa educativo “Vigo, entre notas e versos”, organizado entre os días 18 e 20 de marzo no Auditorio Municipal para o alumnado de quinto e sexto de educación Primaria e primeiro e segundo de Secundaria.
O alcalde avanzou este mércores que a asociación de nais contra a droga nacida en Galicia nos anos 80, o actor vigués Antonio Durán “Morris” e o historiador e ensaísta Xesús Alonso Montero recibirán o galardón o vindeiro 26 de marzo.