mércores, 26 mar 2025
O alcalde animou hoxe aos 52 alumnos do CEIP Pintor Laxeiro que participan nas visitas teatralizadas do programa didáctico "Aventura no Vigo Vello-Reconquista 2025" a coñecer un dos episodios máis importantes da historia da cidade. Caballero destacou a xesta da cidadanía viguesa por ser pioneira na expulsión das tropas napoleónicas despois de que o emperador invadise toda Europa. Máis de 1.000 escolares de quinto e sexto de Primaria comparten co alcalde Vázquez Valera, o soldado francés Pierre da Pierre e a taberneira viguesa Xoana Rial un percorrido polos principais escenarios da Reconquista e a sesión educativa na Casa Galega da Cultura.
mércores, 26 mar 2025
O Concello abre este mércores o prazo para participar nas actividades organizadas no campamento de Semana Santa do programa “Vigo Inclusivo”. “Tentamos favorecer a educación non formal, o desenvolvemento integral das persoas con diversidade funcional e permitir a conciliación familiar”, lembrou o alcalde.
mércores, 26 mar 2025
A obra que vén de recibir a luz verde da Xunta de Goberno Local conta cun orzamento de 1.594.000 euros e permitirá a renovación integral de pavimentos e servizos así como a ampliación do espazo peonil.
martes, 25 mar 2025
Caballero asistiu este martes á Reconquistiña, onde case 2.000 nenos e nenas de 37 colexios se reuniron na Porta do Sol vestidos de época para botar da cidade aos exércitos de Napoléon. O alcalde invitou á rapazada a "seguir velando pola cidade porque Vigo é a mellor urbe de mundo". Tamén convidou a celebrar a Reconquista, non só hoxe nas rúas e na escola, senón a gozar coa familia tamén durante a fin de semana. "Todas e todos a reconquistar unha vez máis a cidade de Vigo", clamou. O rexedor tamén felicitou ao profesorado, por facer posible a aprendizaxe e a formación arredor desta festa histórica.
martes, 25 mar 2025
O alcalde asegura que “toda a cidade está indignada” ante as novas publicacións do diario El Mundo nas que se escoita ao comité avaliador do Mundial 2030 da Federación Española de Fútbol expresións como “meter ata 800 veces os valores ata que cadre o resultado” e banalizando os criterios de baremación.
luns, 24 mar 2025
A “XXVI Gran Gala do Deporte de Vigo”, programada para o vindeiro xoves 3 de abril no Teatro A Fundación, será “a mellor que se fixo na cidade”, segundo anticipou hoxe o alcalde ao presentar unha edición que bate récord de presentación de candidaturas con 79 nomeados.
venres, 21 mar 2025
O alcalde animou este venres aos 38 alumnos do CEP Igrexa Valadares que participan no programa didáctico ‘Aventura no Vigo Vello - Reconquista 2025’ a afondar no coñecemento da historia de Vigo a través do percorrido teatralizado polos puntos estratéxicos do barrio histórico e a asistencia á proxección na Casa Galega da Cultura do audiovisual que recrea a expulsión da cidade das forzas militares napoleónicas. Ata o día 11 de abril máis de 1.000 escolares de 20 centros participan na iniciativa docente do Concello de Vigo.
venres, 21 mar 2025
Vigo rexistrou o pasado febreiro os mellores datos nacionais e totais desde que hai datos, cun incremento do 13 por cento con respecto a 2024, e a cuarta mellor cifra de estranxeiros nun mesmo mes. “Isto significa o tirón de Vigo”, recalcou o alcalde.
venres, 21 mar 2025
A Xunta de Goberno Local vén de dar luz verde á contratación da redacción do proxecto para o que se estima un investimento superior aos 25 millóns de euros e que permitirá crear unha “rede de sistemas mecánicos de mobilidade”.
venres, 21 mar 2025
Caballero avanzou que nas reunións mantidas con Red Eléctrica están a estudarse as alternativas para a instalación do transformador e que a rede será soterrada na cidade. “Son 72 millóns de investimento do Goberno de España para Vigo, a industria, os hospitais e o conxunto da cidade”.
