luns, 3 mar 2025
Desde o próximo mércores 5 de marzo e ata o 2 de abril permanecerá aberto o prazo para solicitar as bolsas de comedor, libros e material escolar que concede o Concello para o curso 2025-2026, segundo anunciou este luns o alcalde tras ser publicada a convocatoria no Boletín Oficial da Provincia de Pontevedra. “Confiamos ter as bolsas asignadas e en coñecemento das familias antes de que empece o novo curso escolar”, recalcou.
venres, 28 feb 2025
A Xunta de Goberno aprobou a adxudicación das obras de remodelación da Avenida de Madrid que comezarán o próximo mes de abril cun investimento de preto de 17 millóns de euros, segundo anunciou o alcalde. “Vai ser unha gran avenida da cidade de Vigo, pagada polo Goberno de España e polo Concello”, afirmou Abel Caballero.
venres, 28 feb 2025
Abel Caballero convida a toda a cidade a participar nos actos programados para celebrar o Entroido, que arrincan esta noite coa entronización do Meco, ás 21:30 horas, e co concerto de “Fillas de Casandra” a partir das 22:00 horas na Porta do Sol.
xoves, 27 feb 2025
Abel Caballero presentou xunto a Carmela Silva, primeira tenente de Alcaldía; Ana Laura Iglesias, concelleira de Igualdade, e representantes do Consello Municipal da Muller, o programa de actos organizados para conmemorar o 8M. O Concello despregará, desde o 5 ao 22 de marzo, numerosas actividades co gallo do Día da Muller.
xoves, 27 feb 2025
O Concello reforzará o servizo nocturno de transporte público urbano durante a celebración do Entroido, segundo anunciou hoxe o alcalde. O venres 28, o sábado 1 e o luns 3 de marzo estarán operativas as liñas nocturnas N1, N4 e C1.
xoves, 27 feb 2025
Abel Caballero deu a coñecer a designación da entidade viguesa que traballa desde hai 25 anos para mellorar a calidade de vida das persoas con dano cerebral.
xoves, 27 feb 2025
O alcalde avanzou a terceira data do cartel de concertos deste verán no auditorio ao aire libre. A fusión flamenco-pop da artista cordobesa encherá Castrelos o día de San Roque.
xoves, 27 feb 2025
Durante o acto Caballero avanzou que o Concello estenderá as melloras á área da Bancada de Gol cando acabe a construción. “Todo o espazo de Balaídos está a converterse nunha área arquitectónica e con altos niveis de humanización"
xoves, 27 feb 2025
O alcalde inaugurou hoxe a mostra "A pegada das nais de Érguete, un berro que cambiou a sociedade", que conmemora o 40 aniversario da ONG dedicada a loitar contra o narcotráfico e os narcotraficantes, e pola integración dos drogodependentes. A exposición permanecerá aberta ata o próximo mes de xuño no Museo de Arte Contemporánea. A presidenta de Érguete, Carmen Avendaño, participou na presentación da mostra que recolle "o valor, a forza o carácter e a capacidade de reaccionar" das mulleres que hai catro décadas "desde a dor polos vosos fillos e da xente nova", se organizaron contra a droga, segundo recalcou Abel Caballero.
mércores, 26 feb 2025
Abel Caballero asegurou este mércores, no acto de entrega no Pavillón das Travesas dos equipamentos e o material deportivo a 38 escolas deportivas de Vigo, que o Concello continuará na senda trazada nos últimos anos de aumentar a dotación económica para a práctica do deporte. " O próximo ano aumentaremos orzamento un 25 por cento e ao seguinte outro 25 por cento . Cada vez temos qur ir cubrindo máis deporte", afirmou o alcalde ao incidir en que "o deporte vertebra Vigo, por iso a nosa vocación e dedicación".
