venres, 13 dec 2024
A serie surcoreana é a máis vista da historia da plataforma con máis de 265 millóns de reproducións coa súa primeira entrega, converténdose nun fenómeno cultural a nivel mundial. Esta mañá, o rexedor vigués, Abel Caballero, enfundouse a chaqueta do xogador 456 (Seong Gi-hun) para recibir na cidade a figura da moneca Young-Hee, que chega acompañada dos pink guards. Cun tamaño de 4,5 metros, estará instalada na Praza da Constitución dende o venres 13 ata o domingo 15 de decembro, para que os vigueses poidan xogar a "Luz verde, luz roja". Vigo é a primeira cidade escollida por Netflix para realizar a promoción da segunda tempada do serial, que se estreará o vindeiro 26 de decembro.
xoves, 12 dec 2024
O alcalde e a concelleira de Educación saudaron este xoves aos 50 alumnos de sexto de primaria do CPR Escola Rosalía de Castro que participan no programa didáctico municipal "Visita ou teu Concello". Caballero explicou ao estudantado a importancia das decisións que adopta o goberno local e da prestación dos servizos que dependen da institución municipal na calidade de vida da cidadanía. Os escolares percorreron as dependencias do Concello de Vigo para coñecer o funcionamento dos distintos departamentos. Más de 2.500 nenas e nenos participan na iniciativa municipal que propicia o achegamento e coñecemento á institución local.
xoves, 12 dec 2024
O alcalde asistiu este xoves a unha das sesións de formación continua da Policía Local de Vigo en intervención policial sanitaria de emerxencia, que se completa coa recibida en novembro sobre técnicas de apertura de portas en situación de urxencia. “Temos unha Policía Local con moita formación e seguiremos nesa liña”, afirmou o rexedor.
xoves, 12 dec 2024
Abel Caballero anunciou hoxe o inicio, mañá venres 13, das obras de mellora do ascensor inclinado de Juan Ramón Jiménez, situado entre as rúas Menéndez Pelayo e Camelias. O prazo estimado da reparación é de 5 meses, aínda que o alcalde indica que o Goberno tentará acurtar a execución das obras, e que o obxectivo é contar cun ascensor “en tempo normal, sen avarías, prestando un gran servizo á veciñanza da zona”.
xoves, 12 dec 2024
O acto celebrado na Porta do Sol acolleu un concerto reivindicativo no que actuaron as Bandas de Música Populares de Vigo.
mércores, 11 dec 2024
O alcalde convidou este mércores á cidadanía viguesa a asistir á XX edición de "Vigolandia", que terá lugar os próximos días 26, 27, 28, 29 e 30 de decembro no Instituto Feiral de Vigo.
mércores, 11 dec 2024
Abel Caballero animou de novo á cidadanía a sumarse ao concerto reivindicativo organizado esta tarde na Porta do Sol ás 20,00h. Trátase de demandar o tren de alta velocidade Vigo-Porto, a autovía en túnel ao Porriño e a conexión el AVE por Cerdedo.
martes, 10 dec 2024
O alcalde de Vigo recibiu este martes no Salón de Plenos do Concello, xunto coa concelleira de Educación, a 29 alumnos de quinto e sexto de Primaria do CEIP Párroco Don Camilo que participan no programa "Visita ou teu Concello". Abel Caballero detallou a transcendencia das decisións que adopta o goberno municipal para mellorar a calidade de vida da cidadanía de Vigo. Durante o desenvolvemento do programa municipal máis de 2.500 alumnas e alumnos de distintos centros da cidade percorren as principais dependencias municipais.
martes, 10 dec 2024
O alcalde e a concelleira de Política Social, Yolanda Aguiar, recibiron este martes, no despacho da Alcaldía, ao novo director xerente do Hogar e Clínica San Rafael de Vigo, Raúl Torres, e a Eugenio González, director financeiro. Os directivos trasladaron as súa formulacións para a nova etapa. O alcalde interesouse pola situación do centro.
martes, 10 dec 2024
Abel Caballero anunciou este martes a apertura do prazo de inscrición para participar no primeiro campamento do programa municipal “Vigo Inclusivo”, organizado no Nadal para persoas con diversidade funcional co fin de facilitar a conciliación familiar.
