xoves, 13 mar 2025
O rexedor achegouse esta mañá ao Farol de Urzáiz, localización onde Disney instalou un dos elementos máis icónicos da película: a mazá. Trátase dun elemento que supera os 3 metros de altura, que pesa uns 120 quilogramos, que contén o título do filme e a data de estrea, o vindeiro venres 21 de marzo. Caballero sinalou que Disney presenta o filme "na mellor cidade de España que é Vigo", explicando que na historia de Blancanieves "os soños fanse realidade, como na nosa cidade". Protagonizada por Rachel Zegler e Gal Gadot, realiza unha versión renovada do clásico de 1937.
xoves, 13 mar 2025
Abel Caballero animou hoxe ás 48 alumnas e alumnos de quinto e sexto de Primaria do CEIP Eduardo Pondal, que participan no programa educativo municipal "Aventura no Vigo Vello. Reconquista 2025", a gozar do coñecemento da historia da cidade percorrendo os enclaves fundamentais da xesta protagonizada polos vigueses no ano 1809 coa expulsión das tropas napoleónicas. Preto de 1.000 escolares participarán nas recreacións dramatizadas guiadas por actores que interpretan os papeis do alcalde Vázquez Varela, do soldado francés Pierre de la Pierre e da taberneira Xoana Rial.
xoves, 13 mar 2025
O alcalde avanzou a proposta na inauguración de “Mulleres que pintan”, unha mostra de quince obras de oito artistas viguesas que poderá visitarse na antesala da Alcaldía de Vigo durante un mes.
mércores, 12 mar 2025
Abel Caballero explicou hoxe ao alumnado de quinto e sexto de primaria do Colexio Labor, que son os primeiros en participar na iniciativa didáctica, a transcendencia da histórica xesta protagonizada en 1809 pola cidadanía ao expulsar as tropas francesas. "Queremos que os escolares entendan a historia e que penetren nela entretidos e divertidos", afirmou.
mércores, 12 mar 2025
O alcalde presentou hoxe, co presidente da Asociación Cultural Interfolc Internacional e os concelleiros de Educación e de Cultura, o “Día da Muiñeira 2025”, que terá lugar o 18 de maio na rúa Venezuela, a partir das 11 da mañá.
mércores, 12 mar 2025
O Concello celebra o Día Internacional da Poesía co programa educativo “Vigo, entre notas e versos”, organizado entre os días 18 e 20 de marzo no Auditorio Municipal para o alumnado de quinto e sexto de educación Primaria e primeiro e segundo de Secundaria.
mércores, 12 mar 2025
O alcalde avanzou este mércores que a asociación de nais contra a droga nacida en Galicia nos anos 80, o actor vigués Antonio Durán “Morris” e o historiador e ensaísta Xesús Alonso Montero recibirán o galardón o vindeiro 26 de marzo.
mércores, 12 mar 2025
Esta tarde deu inicio unha nova edición do Salón do Automóbil de Vigo, o evento de referencia para os amantes do motor en Galicia. Dende hoxe e ata o 16 de marzo, o Instituto Feiral de Vigo (IFEVI) acolle máis de 20.000 m² de exposición, nos que se reúnen os principais fabricantes do sector, que presentan as súas novidades máis destacadas. Nesta edición, preto de 40 marcas ofrecen aos asistentes unha ampla variedade de opcións de compra, desde os vehículos máis punteiros en tecnoloxía eléctrica e híbrida ata os clásicos de gasolina e diésel. O público poderá gozar, ademais, dunha variada oferta de lecer relacionada co mundo do motor, con exposicións de superdeportivos, coches de rally, entre outras opcións.
martes, 11 mar 2025
O alcalde recibiu hoxe no Salón de Plenos do Concello aos 50 alumnos de quinto e sexto de primaria do CEIP Illas Cíes que participan no programa didáctico "Visita ou teu concello" . Explicoulles o funcionamento da administración municipal e a importancia da actividade e das decisións que adopta cada día o Concello para garantir o benestar da cidadanía de Vigo. Ao longo do curso máis de 2.000 escolares da cidade participan na iniciativa didáctica municipal para fomentar o coñecemento do Concello de Vigo.
martes, 11 mar 2025
O Concello convocou esta mañá un minuto de silencio cando se cumpren 21 anos desde os terribles atentados que custaron a vida a 193 persoas en Madrid. Con motivo do Día Europeo en Memoria das vítimas do terrorismo, a Corporación concentrouse na Praza do Rei en sinal de recordo solidario cos afectados polos atentados e as súas familias.
