venres, 21 abr 2023
O Concello inicia a tramitación do expediente de contratación do concerto que o artista madrileño ofrecerá no auditorio ao aire libre de Castrelos dentro do programa de festas deste verán.
xoves, 20 abr 2023
Abel Caballero participou na presentación do Startup Congress Galicia que reúne hoxe e mañá a máis de 700 emprendedores e emprendedoras. Todos eles exporán en charlas sectoriais o futuro de cada sector en diversas áreas. O alcalde louvou aos asistentes, aos cales cualificou de ser líderes co seu labor de emprendemento: “Coa innovación sucede como a cultura, hai que deixarvos facer porque as novas formas aparecen nas vosas ideas”, dixo o rexedor.
xoves, 20 abr 2023
Baixo o lema “Ciencia na rúa”, o Centro de Investigación en Nanomateriais e Biomedicina da Universidade de Vigo desenvolve este venres 22 e o sábado 23 de abril un festival científico na Porta do Sol, que transformará a praza nun laboratorio para achegar a ciencia á cidadanía. Trátase dun evento gratuíto para tódolos públicos con concursos, talleres, feiras, obradoiros infantís, monólogos e espectáculos de maxia.
xoves, 20 abr 2023
O Concello notificou a adxudicación, por 181.505 euros, do contrato para as obras do IX programa de decoración de murais e xa seleccionou os espazos que acollerán novas obras de arte na rúa.
xoves, 20 abr 2023
O alcalde participou na inauguración da exposición “Fragmentos de onte”, das bodegas Martín Códax na sede de Afundación, un percorrido visual da fotógrafa americana Ruth Matilda Anderon, que afonda na vida cotiá de Galicia a través dunha serie de imaxes que captan as diferentes profesións máis artesanais. Amais, acompañan a exposición fotográfica manequíns que recrean a vida en Galicia nos anos 20. Abel Caballero louvou a acción cultural por parte da cooperativa vitivinícola, que comercializa unha edición especial do seu albariño cunha das fotografías tomadas pola fotógrafa. A exposición estará na sede de Afundación de Vigo ata o 10 de xuño.
martes, 18 abr 2023
A entidade sen ánimo de lucro organiza este domingo, 23 de abril, no Auditorio Mar de Vigo, unha xornada de música e entretemento co obxectivo de recadar fondos para as nenas e nenos que padecen cancro. As entradas solidarias poden adquirirse na web www.migranodearena.com.
xoves, 13 abr 2023
O rexedor estivo acompañado na presentación co delegado do Estado na Zona Franca, David Regades; a presidenta da Deputación de Pontevedra, Carmela Silva e os organizadores, Lalo García e Frankie Gómez. O evento celebrarase Palacio da Oliva os días 20 e 21 de abril e reunirá a todas as aceleradoras galegas e máis de cento cincuenta fondos de investimento. Caballero sinalou que “o congreso necesariamente tíñase que celebrar en Vigo porque é unha cidade con ADN emprendedor e onde se xeran proxectos á vangarda da economía”.
xoves, 13 abr 2023
O alcalde mantivo unha xuntanza co rexedor de Fornelos de Montes, Emiliano Lage, que lle trasladou o problema nunha parroquia da súa vila co abastecemento de auga. Abel Caballero explicou en declaracións remitidas aos medios que a parroquia non ten traída e, a consecuencia do cambio climático, os pozos que utilizan xa amosan escaseza de auga. Ambos mandatarios saíron satisfeitos da reunión para buscar solución a esta cuestión.
xoves, 13 abr 2023
Abel Caballero felicitou no nome da cidade a Johannes Li, o primeiro diagnosticado de Asperxer que quere dar a volta ao mundo a vela en solitario, a quen recibiu este xoves no Concello. “Resulta entrañable e emocionante falar con el, como describe a ruta feita e a que lle queda por facer”, apuntou. O mozo navega na súa propia embarcación para dar visibilidade ao trastorno que sofre e para combater os estereotipos que persisten sobre o autismo e demostrando que é quen de completar o seu obxectivo de dar a volta ao mundo.
xoves, 13 abr 2023
Abel Caballero, xunto a Pity Domínguez, un dos organizadores do festival, e a Álvaro Pumares (responsable de Gallos del Norte) presentaron que a gran final galega de Gold Battle desenvolverase na nova praza.