xoves, 18 mai 2023
O alcalde abriu a sesión do evento organizado pola Fundación AXA na que deu a coñecer a percepción cidadá do cambio climático. Abel Caballero sinalou a importancia do medioambiente como eixo fundamental nas políticas que aplica o Concello. Desde xeito, explicou como Vigo está a transformar a mobilidade con ascensores, escaleiras e ramplas mecánicas e a incorporación do carril bici ás rúas da cidade: "Este é o sistema", concluíu. En canto ao urbanismo das cidades, falou da importancia dos centros de proximidade, "cidades de 10 ou 15 minutos", para as que, segundo explicou, "hai que insistir no pequeno e mediano comercio, facer lugares de ocio e puntos de encontro para que a cidade sexa atractiva", concluíu.
luns, 15 mai 2023
Krugman e Banerjee estarán no Auditorio Mar de Vigo o 27 e 28 de xuño coincidindo co 75 aniversario do Consorcio. A empresaria Bisila Bokoko ou Pedro Siza, exministro de economía de Portugal, tamén estarán entre os líderes de opinión que se reunirán no congreso, que terá conferencias e mesas redondas nas que se analizarán os principais desafíos mundiais
venres, 12 mai 2023
Abel Caballero participou na conmemoración do Día de Europa celebrado pola Axencia Europea do Control da Pesca (EFCA) no Museo do Mar. O 9 de maio celébrase a paz e a unidade no continente, data histórica da declaración de Schuman na que se considera que comezou o que hoxe coñecemos como Unión Europea. O alcalde puxo en valor a UE, desde o inicios ata a actualidade. Aproveitou a ocasión para instar "ao diálogo" nos temas relativos á pesca e afirmou a importancia da Europa que está a investir cos fondos Next Generation EU.
xoves, 11 mai 2023
Abel Caballero mantivo un encontro este xoves coa organización das XXVI Xornadas da Asociación Galega de Medicina Familiar e Comunitaria que se desenvolverá os días 29 e 30 de setembro na cidade baixo o lema “Exerzamos como galegos”. Clara Guede, presidenta da Comité Organizador; Xiana Rodríguez e Marta López trasladáronlle ao rexedor as dificultades que atravesa a Atención Primaria ante a falta de persoal e de renovación dos profesionais, polo que, con este encontro queren, entre outros fins, volver ilusionar aos médicos de familia.
xoves, 11 mai 2023
O alcalde saudou este venres aos participantes nas XXXVIII Xornadas Nacionais de Enfermería Traumatolóxica e Cirurxía Ortopédica “Desafío de coidados”, que se están celebrando no Auditorio Mar de Vigo. Na súa intervención, Caballero trasladoulles a importancia do labor que desenvolven e a cercanía e cariño que dedican aos pacientes, poñendo en valor tamén a profesionalidade que amosaron durante a pandemia e cada día no traballo que desempeñan.
luns, 8 mai 2023
Abel Caballero e Carmela Silva participaron este luns na presentación do campionato que se está a desenvolver estes días no Ifevi e que vivirá as finais durante a fin de semana, o 13 e 14 de maio.
venres, 5 mai 2023
Abel Caballero mantivo un encontro co ministro de Asuntos Exteriores, Unión Europea e Cooperación do Goberno de España, José Manuel Albares, onde trasladoulle os estudos realizados para a candidatura de Illas Cíes para ser Xeoparque da UNESCO, ao que o mandatario estatal confirmou “o apoio para que a candidatura triunfe”.
xoves, 4 mai 2023
O alcalde achegouse a praza de abastos para probar a degustación preparada polo alumnado do CIFP Manuel Antonio. Abel Caballero puxo en valor a gastronomía e o produto da nosa terra: “En Vigo temos o mellor produto de alimentación do mundo e véndese no mercado do Calvario”, declarou o rexedor. Para o rexedor o Calvario “é un mercado excepcional” e louvou aos futuros cociñeiros e cociñeiras polo seu traballo. “Degusta Europa” é un programa da Deputación de Pontevedra posto en marcha para conmemorar o Día de Europa a través de degustacións gastronómicas nas prazas de abastos da provincia de Pontevedra.
mércores, 3 mai 2023
O alcalde achegouse esta mañá ao Hotel Attica 21 para saudar os participantes nesta nova edición que ten como obxectivo captar proxectos innovadores de automoción e movilidade. Entre as autoridades encontrábanse Ignacio Bueno, director de Stellantis en Vigo e Francisco Conde, vicepresidente Primeiro e Conselleiro de Economía. Industria e Innovación Dende o BFA apoiaranse proxectos relacionados coa trasformación dixital e o vehículo do futuro, priorizaranse aqueles proxectos que se enmarquen nalgún dos ámbitos tecnolóxicos definidos como de interese para as empresas do sector en Galicia.
mércores, 26 abr 2023
O Concello súmase á conmemoración da xornada, Día Mundial da Fibrose Quística, coa iluminación esta noite, das Fontes de Aragón de cor laranxa. Con este acto simbólico, a Asociación Galega de Fibrose Quística, quere dar visibilidade á enfermidade, amais de concienciar á poboación neste data sinalada.
