O alcalde visita a Cidade Universitaria

mércores, 8 out 2003

Domingo Docampo, Rector da Universidade, recibiu esta mañá o alcalde Ventura Pérez no campus Lagoas-Marcosende para amosarlle a Cidade Universitaria e as novas dependencias do Rectorado emprazadas alí. Durante o paseo, no que estiveron acompañados en todo momento polo vicerrector de Planificación Alberto Gago Rodríguez, polo concelleiro de Patrimonio Xosé Carlos Arias e polo xerente de Cidade Universitaria Rafael Núñez, puideron contempla-las diferentes infraestructuras concibidas polo arquitecto Enric Miralles ó servicio da comunidade universitaria.

O conselleiro de Medio Ambiente comprométese a colaborar na solución dos problemas da depuradora

luns, 6 out 2003

O Alcalde de Vigo, Ventura Pérez Mariño, recibiu hoxe ao conselleiro de Medio Ambiente, José Manuel Fernández Barreiro, quen lle explicou de primeira mán os motivos que, segundo o departamento que dirixe, xustifican o incremento de prezos que aprobou Sogama. Pérez Mariño asegurou que ata que non chegue ao Concello a comunicación oficial desta suba non fará valoracións sobre esta cuestión.

Unha comisión municipal coordinará actuacións que incidan sobre a vía urbana

martes, 23 set 2003

O Goberno municipal creou hoxe a Comisión de Vía Urbana co obxectivo de coordinar tarefas relacionadas coa vía pública que implican varios aspectos da xestión municipal como limpeza, fachadas, "botellón", pavimentos de beirarrúas.O primeiro acordo desta comisión é a posta en marcha dunha campaña de limpeza e de recollida de residuos en terreos e beiravías.

Vigo alcanza ós 300.303 habitantes empadroados

luns, 22 set 2003

A Comisión Informativa de Réxime Interior aprobou o resumo numérico correspondente á poboación do termino municipal de Vigo alcanzando un total de 300.303 habitantes. Os datos dedúcense do padrón municipal de habitantes renovado en xaneiro do 2003.

Bando do alcalde con motivo da celebración en Vigo da Feira Mundial da Pesca

mércores, 17 set 2003

Benqueridos conveciños, como sen dúbida observaron, desde hai algúns anos todas as cidades pugnan por promoverse como sedes de grandes eventos de todo tipo e da maior trascendencia posible. Parecera como si nesta nova sociedade da comunicación só o que ten repercusión mediática "está no mundo". Sen dúbida, en boa medida é así, pero non deberiamos deixarnos levar só pola imaxe do que pasa, esquecendo a esencia de aquilo que se pode proxectar.

O Concello e Caixa Galicia asinan un convenio de colaboración para a World Fishing

mércores, 17 set 2003

O Alcalde de Vigo, Ventura Pérez Mariño, e o director xeral de Caixa Galicia, José Luis Méndez, asinaron un convenio de colaboración para financiar os gastos derivados dos actos que o Concello porá en marcha a propósito da Feira Mundial da Pesca. A entidade financieira destinará 60.000 euros ao programa de actividades co que o Concello se suma á organización dun acontecemento social e económico tan importante para Vigo.

Comeza a Feira Mundial da Pesca

martes, 16 set 2003

Do 17 o 21 de setembro a a World Fishing Exhibition converterá a Vigo en punto de encontro da industria pesqueira internacional.Os actos da World Fishing organizados polo Concello comezarán ás 10:30 horas, cando os alcaldes das sete grandes cidades de Galicia izarán a súa correspondente bandeira local no recinto feiral de Cotogrande.

O Concello e Caixanova asinan un convenio de colaboración de 60.000 euros de cara á World Fishing

venres, 12 set 2003

O Alcalde de Vigo, Ventura Pérez Mariño, e o director xeral de Caixanova, Julio Fernández Gayoso, asinaron hoxe un convenio de colaboración para sufragar os gastos derivados da posta en marcha da Feira Mundial da Pesca. Segundo o acordo, a entidade financeira destinará 60.000 euros para a organización deste acontecemento internacional de tan grande transcendencia para Vigo.