O alcalde visita as obras da residencia de Bembrive

xoves, 10 xul 2003

O alcalde de Vigo, Ventura Pérez Mariño, visitou as instalacións da nova residencia para persoas maiores de Bembrive, acompañado por dous técnicos municipais, para coñecer persoalmente as obras que deben realizarse con urxencia para que o centro poida entrar en funcionamento o antes posible.

Mariño instará á creación da área metropolitana

xoves, 3 xul 2003

O alcalde de Vigo, Ventura Pérez Mariño, convocará de forma inmediata os membros interesados en conformar a área metropolitana, para o que será necesaria unha vontade política de cara a impulsar esta entidade intermunicipal baseada en criterios fundamentalmente socioeconómicos. Pérez Mariño tomou esta decisión no transcurso da entrevista co presidente da Xunta de Galicia, Manuel Fraga.

Pérez Mariño asiste á apertura do "Foro 2003 da economía galega"

mércores, 2 xul 2003

O alcalde, Ventura Pérez Mariño, afirmou que Vigo necesita reforzar o seu liderazgo político e económico na apertura do "Foro 2003 da economía galega" que se celebrou no Centro social de Caixanova. Mariño apostou tamén por crear "unha nova fronte marítima da cidade e da área urbana, física-urbanística, loxística, manufactureira, cultural e ambiental".

Entrevistas do alcalde

martes, 1 xul 2003

O alcalde, Ventura Pérez Mariño, entrevistouse con representantes do Club Financiero Vigo, co presidente do Real Club Náutico, co bispo José Diéguez Reboredo e con membros do corpo consular.

Reunións do alcalde

venres, 27 xuñ 2003

O alcalde de Vigo, Ventura Pérez Mariño, entrevistouse con representantes da Asociación de comerciantes Zona Centro e da Federación de veciños "Eduardo Chao".