mércores, 30 dec 2009
O alcalde recibiu este martes do responsable de estacións de ADIF o proxecto básico da futura estación da Alta Velocidade de Urzáiz, que conta cun 40.000 metros cadrados de superficie. A Administración de Infraestruturas Ferroviarias pide tamén licenza ao Concello para despois encargar formalmente o proxecto arquitectónico a Thom Mayne, no que o premio Pritzker xa está a traballar. Os prazos serán "os máis axustados posibles" para dar cabida á Alta Velocidade no ano 2012.
martes, 29 dec 2009
O alcalde, Abel Caballero, informou este martes da reunión do padroado de ProVigo, que debatiu o novo plan estratéxico da entidade ata 2020 contando coas novas infraestruturas que estarán rematadas en 2012. O obxectivo é que "Vigo deixe de ser a gran descoñecida de España". A reunión desta mañá inicia "unha nova etapa" en ProVigo, que aprobou un orzamento de 311.000 euros para 2010.
mércores, 23 dec 2009
Abel Caballero presidiu este mércores o tradicional viño de Nadal co persoal do Concello de Vigo, en representación da Corporación presente. Xunto á felicitación das festas e os bos desexos para o 2010, o alcalde quixo resaltar "en nome da cidadanía" o esforzo realizado polos funcionarios durante este ano e fixo fincapé na especial participación do persoal municipal no progreso acadado pola cidade durante este 2009.
luns, 21 dec 2009
Segundo indicou Abel Caballero, o premiado arquitecto Thom Mayne -encargado do deseño da nova estación- presentará a mediados de xaneiro ao alcalde unha maqueta da súa "espectacular" proposta arquitectónica para Urzáiz, que será definitiva a finais do citado mes. A futura estación non lle custará "nin un céntimo" ao Concello, que gañará ademais 40.000 metros cadrados de espazo na azotea do futuro edificio.
xoves, 17 dec 2009
O alcalde de Vigo recibiu hoxe xoves a Federico Amor Sanjurjo, presidente de Begano, concesionaria de Coca-Cola en Galicia, empresa galega que celebra este ano o seu 50 aniversario. As actividades organizadas teñen carácter grastronómico, deportivo, cultural e musical, e inclúen a creación dun logo conmemorativo e a edición limitada dunha botella, entre outras.
mércores, 16 dec 2009
O alcalde de Vigo e presidente da Rede Española de Cidades polo Clima pronunciou este mércores un relatorio no encontro polo clima de Copenhague, no que presentou as medidas e propostas de actuación da Rede e ademais expuxo o modelo sostible de humanizacións de Vigo e a Axenda sen Coche, pola que os cargos públicos acuden a determinados actos sen empregar o vehículo oficial ou privado.
martes, 15 dec 2009
Mañá mércores, Abel Caballero pronunciará un relatorio -como parte da delegación española- no encontro mundial de Copenhague chamado a adoptar acordos internacionais para reducir o impacto humano no clima. O alcalde, en representación dos municipios españois, presentará o modelo de cidade humanizada de Vigo, con varios centros para facilitar a vida diaria e cunha reordenación dos tráficos peonil e rodado.
xoves, 10 dec 2009
O alcalde de Vigo foi o encargado de abrir esta xornada, organizada pola Unión Comarcal de Comisións Obreiras en Vigo. O obxectivo desta xornada, celebrada durante este xoves no Hotel Coia vigués, é informar e formar ao personal de CCOO dos distintos modelos de intervención sindical para afrontar esta nova problemática no ámbito laboral.
mércores, 9 dec 2009
O alcalde informou este mércores de que o Concello donará dous camións de bombeiros de 5.000 litros de capacidade a Nicaragua, tras a solicitude realizada polo devandito país a través do seu embaixador. En febreiro de 2010 terá lugar a entrega dos vehículos, data cando o Concello os substitúa por outros dos novos e máis modernos camións. Abel Caballero reuníuse hoxe co embaixador de Nicaragua, Augusto Zamora.
mércores, 9 dec 2009
O alcalde encargou á Policía Local que remita o resultado da súa investigación á Fiscalía, para que esta proceda a esixir responsabilidades legais ao pub que impediu o acceso a un grupo de discapacitados, acompañados dun monitor de Aspanaex. Abel Caballero, quen reuníuse hoxe mércores co seu Presidente, asegurou que "foi un feito grave e aillado" e ten que ter a atención correspondente.
