O alcalde presentou hoxe luns o balance de 2+4 anos de goberno, nun acto público organizado no Auditorio Municipal no que estivo acompañado por todos os concelleiros do goberno local. Na súa intervención, Caballero resaltou a importancia de humanizacións, emprego e política social na súa acción de goberno.
Abel Caballero mantivo este venres sendas reunións co Comité de Empresa de AENA e coa Asociación de Hoteis de Vigo (Ahosvi), colectivos que respaldaron a mobilización promovida polo alcalde en defensa do aeroporto de Vigo, tal e como informou posteriormente.
O alcalde avanzou hoxe xoves a "coincidencia central en todos os colectivos da cidade" na necesidade de defender o aeroporto de Vigo. Así o trasladou aos medios logo de manter sendas reunións con representantes de varios colectivos empresarias ademais dos responsables comarcais das tres centrais sindicais.
O alcalde presidiu este mércores a reunión do Padroado da Fundación, cita tras a que indicou que Provigo está nunha situación saneada grazas ao Concello e ás entidades privadas, tras o "problema" derivado do abandono da Xunta de Galicia, Deputación de Pontevedra e Porto de Vigo.
O rexedor instou de novo ao presidente da Xunta a convocar ao ministro de Industria, aos alcaldes de cidades afectadas pola crise do naval -especialmente ao Vigo- e aos líderes da oposición en Galicia para facer un "frente común" en Bruxelas. O obxectivo é trasladarlle ao comisario europeo da Competencia que "non imos tolerar devolucións", engadiu.
Abel Caballero mantivo este martes a primeira reunión con colectivos despois de facer pública a convocatoria dunha concentración cidadá, ás 20:30 horas do 19 de xuño na Porta do Sol, en defensa do aeroporto de Vigo. Entidades veciñais, culturais e deportivas avalan a posición aeroportuaria do alcalde, segundo indicou.
Abel Caballero e Luis Espada presentaron hoxe luns o novo traballo do Valedor do Cidadá, titulado "Hábitos de Consumo. Perspectiva comparada e estudo específico no municipio de Vigo". Hai seis anos, o nivel de concienciación ambiental era do 33,1% polo 65,8% actual, sendo superior o incremento nas mulleres que nos homes.
O próximo mércores 19 de xuño todo Vigo está emprazado a participar nunha concentración en defensa do aeroporto de Vigo organizada á partir das 20,30 horas na Porta do Sol. Así o anunciou hoxe luns Abel Caballero, quen engadiu que Peinador "é un elemento central do futuro de Vigo".
Despois da apertura do II Congreso Internacional de Enxeñería Civil e Territorio Galicia-Norte de Portugal, o alcalde afirmou que "non pode caer no olvido" unha liña de AVE que daría servizo a un área de 7 millóns de habitantes e conectaría Oporto e Madrid a través de Vigo.
O alcalde de Vigo insta á Mesa de Industria a reunirse en Madrid para acordar as razóns que avalan a non retroactividade do tax lease. Con este mesmo obxectivo, Caballero manterá o luns un encontro con deputados galegos e sindicatos.