mércores, 3 feb 2010
Despois da súa aprobación onte martes polo goberno local, Abel Caballero destacou hoxe do orzamento do Concello para 2010 os 16 millóns de euros destinados ao departamento de Vías e Obras para humanizacións maioritariamente, os máis de 4 millóns de euros para Parques e Xardíns e os máis de 3 millóns para xeración de emprego. O alcalde tamén subliñou o incremento de case un 13% con respecto a 2009 no gasto social.
martes, 2 feb 2010
A Xunta de Goberno Local celebrada este martes aprobou os plans de seguridade e saúde de ambas humanizacións, paso previo ao inicio dos traballos de mellora das rúas. A reforma de Manuel Álvarez suma un investimento de 5,2 millóns de euros e a humanización de Escultor Gregorio Fernández ascende a 1,1 millóns. O goberno local adxudicou asemade o contrato de mantemento dos contedores soterrados da cidade.
martes, 2 feb 2010
O alcalde asegurou que entre "finais deste mes e comezos do seguinte" coñecerase o proxecto arquitectónico deseñado polo premio Pritzker Thom Mayne para a nova estación de Urzáiz que acollerá a Alta Velocidade. Caballero apuntou que a mediados do vindeiro ano podería comezar o derrubo da actual terminal ferroviaria para dar comezo ás obras da nova estación.
venres, 29 xan 2010
A Asociación de Mulleres Diálogos 90 fará entrega o vindeiro domingo dos premios Galegas Destacadas 2009 nun acto que terá lugar nas dependencias do Pazo Museo Quiñones de León, e que se enmarca no na celebración da efemérides do pasamento da pensadora, escritora e xurista, Concepción Arenal. Os galardóns do citado colectivo corresponden nesta coasión a Carmen Pérez Vaquero, Patricia Ferreira Mañá y Matilde González Méndez.
xoves, 28 xan 2010
O alcalde Abel Caballero reuniuse hoxe con representantes da confradía de Bouzas para ratificar o apoio do Concello á ruta marítima xacobea. Este ruta partirá da localidade lusa de Aveiro, continuará por varios portos portugueses, chegado a Vigo e Vilagarcía para avanzar logo por terra ata Santiago.
martes, 26 xan 2010
O Concello de Vigo disporá de 246.644.000 euros de presuposto para o ano 2010, un 7,5% máis en relación co do ano pasado, segundo anunciou hoxe o alcalde Abel Caballero, quen destacou que será aprobado pola xunta de goberno do próximo vernes. A cantidade foi calificada polo rexidor municipal como anticrisis porque sobre todo prodúcese unha elevación importante no capítulo de inversións que ascede este ano a 32,3 millóns de euros, un aumento do 48,9 no citado apartado.
martes, 26 xan 2010
O alcalde Abel Caballero convoca para este xoves a las 19 horas o Consello Social da Cidade de Vigo para debatir unha moción sobre a lei galega de caixas e o proceso de fusión de Caixanova con Caixa Galicia. Abel Caballero recoñeceu que non descarta que en Vigo se produza una gran movilización cidadana por motivo da fusión.
venres, 22 xan 2010
O alcalde Abel Caballero avanzou hoxe que se está a preparar a edición do 2010 do Festival Aéreo de Vigo que terá unha promoción específica nas principais cidades de España e do norte de Portugal. O festival celebrarase o próximo 18 de xullo e a semana anterior desenvolveranse actividades aéreas e marítimas.
venres, 22 xan 2010
O alcalde visitou hoxe as obras da nova Comisaría da Policía Nacional de Vigo que estarán rematadas na primera fase para o próximo verán, aínda que o edificio ao completo será entregado no ano 2011. O investimento para todo o edificio ascende a 11 millóns de euros para un conxunto arquitectónico que vai a ocupar unha superficie de 14.000 metros cadrados.
mércores, 20 xan 2010
O alcalde de Vigo foi o encargado de abrir a primeira Convención Atlántica de Empresarios Galegos, organizada por Summa Insurance, baixo o epígrafe "Saíndo do túnel: decisións clave para 2010-2015". Este foro debate a perspectiva dos empresarios locais a curto e medio prazo e o impacto das novidades lexislativas na economía galega, de cara á saída da crise.<br />
