O alcalde incide en que os datos de maio de Peinador "avalan" a defensa do aeroporto
Abel Caballero mantivo este martes reunións coa A.VV. Casco Vello, a Asociación de Taxistas e representantes de axencias de viaxes, dentro da rolda de contactos que está a manter previa á concentración en defensa de Peinador do día 19. A caída de viaxeiros "avalan que temos que actuar de forma inmediata", apuntou.
Os datos de pasaxeiros de maio en Peinador rexistran unha caída do 11% con respecto ao mesmo mes do pasado ano, cifras que "avalan que temos que actuar de forma inmediata", asegurou o alcalde, para subsanar a "discriminación" que padece o aeroporto de Vigo -o único galego que non recibe subvencións- sobre os de Santiago e A Coruña.
Caballero proseguíu este martes coas reunións previas á concentración convocada en defensa do aeroporto -o 19 de xuño, ás 20:30 horas na Porta do Sol-, entrevistándose hoxe con representantes da A.VV. Casco Vello, da Asociación do Taxi de Vigo e da provincia e de distintas axencias de viaxes. Os colectivos amosaron o seu "apoio" a "dinamizar" o aeroporto de Vigo para lograr que estea "en igualdade de condicións" co resto das terminais galegas, segundo informou o alcalde en rolda de prensa.
O rexedor incidiu en que apoiar Peinador é respaldar o "aparato produtivo vigués", a súa economía, avanzou que "imos seguir adiante" e avogou por subvencionar liñas tamén en Vigo mentres se manteñan as achegas públicas en Santiago e A Coruña.
Descargar todas as imaxes
Caballero proseguíu este martes coas reunións previas á concentración convocada en defensa do aeroporto -o 19 de xuño, ás 20:30 horas na Porta do Sol-, entrevistándose hoxe con representantes da A.VV. Casco Vello, da Asociación do Taxi de Vigo e da provincia e de distintas axencias de viaxes. Os colectivos amosaron o seu "apoio" a "dinamizar" o aeroporto de Vigo para lograr que estea "en igualdade de condicións" co resto das terminais galegas, segundo informou o alcalde en rolda de prensa.
O rexedor incidiu en que apoiar Peinador é respaldar o "aparato produtivo vigués", a súa economía, avanzou que "imos seguir adiante" e avogou por subvencionar liñas tamén en Vigo mentres se manteñan as achegas públicas en Santiago e A Coruña.