O alcalde anunciou este venres a adxudicación por concurso público de 1.325.000 euros do Plan de Emprego do Concello deste ano, que permitirá que 57 entidades beneficiarias poidan contratar entre 250 e 300 persoas. O total de postos de traballo creados co Plan de Emprego municipal podería rondar os 600.
Así o anunciou Abel Caballero despois da decisión da Xunta de Goberno Local celebrada este venres, onde tamén se aprobou a cooperación co XIII Open Internacional "O Marisquiño", os días 9, 10 e 11 de agosto, unha cita que congregará no centro da cidade a miles de persoas.
O alcalde presidiu este venres a apertura do "road show" que estará ata mañá na farola de Urzáiz, para dar a coñecer o vehículo eléctrico entre a cidadanía. Esta acción forma parte do proyecto Mobi.Europe de mobilidade sostible, liderado por Vigo e coa participación de cinco países europeos.
O alcalde informou que a Xerencia de Urbanismo tomou coñecemento do informe técnico municipal sobre o proxecto do Porto de Vigo de construir dúas novas rampas para carga rodada en Bouzas. Os funcionarios do Concello recomendan realizar unha Declaración de Impacto Ambiental previa.
Aberta a inscrición para os cursos gratuitos de iniciación á informática e internet, tratamento de textos e folla de cálculo e uso do DNIe electrónico nos Centros Cívicos de Casco Vello e Teis.
O Concello de Vigo, a través da concellería de Educación, convoca a preinscrición para o vindeiro curso 2013-2014 nas súas Escolas Municipais de Música e Artes (EMMA): Escola Municipal de Música de Vigo (EMMV), Escola Municipal de Música Tradicional e Folk (E-TRAD), Escola Municipal de Teatro (EMT), Escola Municipal de Danza (EMD) e Escola Municipal de Artes e Oficios (EMAO).