venres, 8 feb 2019
O alcalde deu conta este venres do inicio, nos próximos días, de trinta e unha actuacións nas parroquias viguesas e informou da prórroga do contrato do Centro de Usos Múltiples Vigosónico.
venres, 8 feb 2019
A próxima semana, o goberno de Vigo comeza a renovación de 75 puntos de luz LED e a instalación de pasos de peóns sobreelevados en Teixugueiras, segundo anunciou este venres Abel Caballero. O alcalde tamén datou para a semana que vén o inicio das obras da sala de usos múltiples e, para este mes, a apertura da primeira fase do novo parque de Navia.
mércores, 6 feb 2019
O alcalde detallou esta mañá as obras que o Concello ten humanizacións pendentes de inaugurar por valor de 7 millóns de euros. Unha cantidade á que hai que sumar obras en marcha o a piques de comezar que alcanzan un investimento superior aos 5 millóns de euros e que elevan a 12 millóns o total das inversións que neste momento se están a acometer na cidade.
martes, 5 feb 2019
O Concello inicia o último tramo da senda fluvial do río Lagares habilitando o tramo que vai desde Manuel Álvarez á avenida de Madrid, cun orzamento que se eleva aos 800.000 euros. O próximo xoves, o goberno local aprobará o proxecto de expropiación de 96 parcelas o que permitirá acometer 3.600 novos metros de paseo.
xoves, 31 xan 2019
Abel Caballero informou hoxe xoves da clasificación das ofertas presentadas para acometer a remodelación da Avenida, no tramo entre Serafín Avendaño e a glorieta que conflúe con Rosalía, por medio millón de euros. Engadido ao xa humanizado, o Concello leva investido 2,5 millóns en García Barbón.<br />
luns, 28 xan 2019
"Arranca a Vía Verde entre Vigo e Redondela" sinalou o alcalde, quen explicou as actuacións do proxecto con case 3,6 quilómetros de senda peonil e para bicicleta con miradoiros, áreas de descanso, apeadoiros e zonas de aparcamento.
luns, 28 xan 2019
A Xunta de Goberno Local vén de aprobar o proxecto para a mellora da rede de abastecemento e saneamento no tramo entre Taboada Leal e Marqués de Alcedo, que estaba pendente do permiso de Patrimonio da Xunta de Galicia.
venres, 25 xan 2019
O Concello de Vigo aprobou na Xunta de Goberno Local a contratación da segunda fase das obras de humanización da rúa Coutadas. Ademais, segundo informou o alcalde, tamén recibiron o visto e prace outros dez proxectos de reforma de rúas.
xoves, 17 xan 2019
O goberno local vén de retomar as obras de construción do elevador entre San Salvador e a Praza de Isabel A Católica, unha actuación que rematará en marzo e que está financiada con fondos europeos. Segundo explicou o rexedor, Vigo é a cidade europea con maior instalación de ascensores, ramplas mecánicas e sistemas modernos de comunicación.
luns, 14 xan 2019
O alcalde de Vigo visitou este luns as obras de reforma da Praza de América que comezaron a pasada semana. Abel Caballero destacou que toda a zona será reorganizada para goce cidadán e posta en valor da obra de Silverio Rivas.