venres, 7 dec 2018
O alcalde informou este venres da aprobación das obras de humanización de García Barbón -508.000 euros- e da rúa Pazos así como da contratación dun vehículo para tarefas de mantemento das vías públicas por 871.000 euros.
mércores, 5 dec 2018
O Concello está a investir 8,3 millóns de euros nun proxecto de obras de humanización no rural que prevé actuar en todas as parroquias a partir do mes de xaneiro. Ademais, o goberno local tamén está a desenvolver un plan de renovación de elementos de iluminación viaria por importe de 650.000 euros.
martes, 4 dec 2018
Abel Caballero asistiu na sede da Comisión Europea en Bruxelas á entrega dos Access City Award que recoñecen o labor de varias cidades a prol da accesibilidade e mobilidade cidadá. Vigo é a única cidade española premiada, entre 52 de toda Europa.
venres, 30 nov 2018
O alcalde anunciou as adxudicacións da humanización do último tramo de Camelias -cun orzamento de 2.165.000 euros- e das cintas mecánicas da Gran Vía -con 5.189.000 euros-, ademais da aprobación o proxecto de mellora da Ronda de don Bosco, por 1.852.000 euros. O Concello ten 18 actuacións en marcha por importe de 27,3 millóns.
luns, 26 nov 2018
Abel Caballero achegouse esta mañá ao acto de inicio de demolición do antigo hotel Samil, construído na década dos setenta. Este derrubamento permitirá iniciar a construción dun novo establecemento hostaleiro "moderno e ecoloxicamente moi ben adaptado ao terreo, nunha das mellores zonas de Vigo". Está previsto que as obras rematen en 22 meses.
luns, 26 nov 2018
A Xunta de Goberno Local deu luz verde tamén á quinta fase de humanización da rúa Aragón coa que conclúe a obra de renovación do vial que, segundo explicou o alcalde, supuxo un investimento de 7 millóns de euros.
venres, 23 nov 2018
Abel Caballero viaxará o 4 de decembro á capital de Bélxica para presenciar a final dos Acces City Award nos que Vigo xa ten garantido un accésit. A proposta da cidade – a única española que chega á final- foi elixida entre 52 solicitudes e competirá con outras cinco urbes.
xoves, 22 nov 2018
O goberno de Vigo clasificou as ofertas presentadas -antiga adxudicación provisional- para a humanización de Camelias, entre Juan Ramón Jiménez e Hispanidade, e adxudicou definitivamente a remodelación dos pavillóns baixo a bancada de Río, en Balaídos. O orzamento de ambos proxectos é de 3,6 millóns.
xoves, 22 nov 2018
Caballero informou da aprobación dos pregos de condicións e apertura da licitación desta obra, que presenta un prazo máximo de execución de 6 meses. A senda verde discorrerá polas antigas vías do tren, desde Teis ata Urzáiz, 3,6 quilómetros de carril bici e peonil que contará con pasarelas de acceso desde as rúas Navarra e Bos Aires.
mércores, 21 nov 2018
O alcalde de Vigo deu conta esta mañá de que Vigo figura entre as cinco cidades europeas finalistas nos premios Access City Award 2019 en recoñecemento polas súas accións en favor da mobilidade. A Comisión Europea valorou unha candidatura que pon en valor as humanizacións e os proxectos do Vigo Vertical.