Caballero avanzou hoxe xoves a batería de propostas diseñadas polo Concello para potenciar o comercio local durante a visita do Oasis of the Seas. Tamén se reforzará a información e o bus turístico, segundo explicou en rolda de prensa.
O alcalde mantivo unha reunión cos responsables da compañía para avaliar o funcionamento dos voos que operan desde Vigo a Ibiza, Valencia e Palma, rutas que van "francamente ben". Caballero confía en que "en setembro" Volotea decida que un avión teña base en Vigo -que significaría entre 25 e 30 empregos na cidade- e asegurou que a aeroliña vai "ampliar as rutas" desde Vigo para a próxima tempada.
Pasarela de Sol encherá de estilo e moda o centro da cidade o próximo xoves nun "novidoso" desfile ao aire libre no que novos creadores compartirán pasarela con consagradas firmas como Patricia Avendaño e Selmark. O Concello organiza este evento coa colaboración da Federación de Comercio Vigo Histórico, a Escola de Deseño Goymar, o Instituto Audiovisual de Vigo e o IES de Teis.
Volotea iniciou hoxe o voo a Palma de Mallorca, unha conexión que se une á de Ibiza e Valencia que arrancaron este mesmo mes. Segundo detallou o rexedor en rolda de prensa, xa está vendido o 60% dos billetes o que refrenda que "cando en Vigo hai oferta de voos de baixo custo, a xente viaxa".
27 establecementos e 45 empresas participarán na segunda edición da Vigo Shopping Night, unha actividade de dinamización comercial e de ocio que se organizará o venres 13 de xuño entre as 19,00 e as 02,00 horas. Promovida por Centro Príncipe e o Concello, esta iniciativa incluirá este ano unha pantalla xigante na Farola de Urzáiz para permitir aos interesados seguir o partido da selección española.
O alcalde eloxiou hoxe martes a Volotea, unha compañía de grandes prestacións e baixo custo coa que coopera o Concello e que este verán conectará Vigo con Valencia, Ibiza e Mallorca. Ao día seguinte ao vóo inaugural da tempada a Valencia, o rexedor lembrou que a única administración que apoia estes enlaces é o Concello de Vigo.
Abel Caballero lembrou hoxe mércores que o convenio que o Concello asinou con Volotea é un acordo de colaboración publicitaria que inclúe accións promocionais de marketing online e offline e campañas de publicidade. Estas accións arrancarán en xuño nas conexións que a compañía comeza a operar a Valencia, Ibiza e Plama de Mallorca.
O goberno local inviste 161.000 euros en promocionar a cidade cunha campaña turística en medios especializados e de tirada nacional, de cara a captar turistas en épocas vacacionais. O alcalde explicou que, xunto ás Illas Cíes, o Concello proxecta Vigo como destino gastronómico, cultural, urbano, activo, de natureza e de ocio nocturno.
O próximo 2 de xuño arrancan os vóos de Volotea a Ibiza, Mallorca e Valencia, o que suporá, en verbas do rexedor, un novo impulso na recuperación da terminal viguesa. Acompañado polo director xeral da compañía, Lázaro Ros, Caballero non descartou a ampliación destes enleces nun futuro.
O goberno local respalda a petición do sector da perruquería que reclama un IVE reducido para poder manter abertas as súas empresas e os empregos. Así o avanzou esta mañá a tenente de alcalde, Carmela Silva, quen anunciou a presentación dunha moción no Pleno do Concello para salvagardar un sector que xa perdeu 20.000 empregos desde que o Goberno Central subira a carga impositiva a este sector dun 8 a un 21%.