martes, 16 nov 2021
Abel Caballero supervisou este martes a instalación da estrutura, que ten unha plataforma de 10,5 metros de diámetro, e que conforma unha das atraccións clásicas do Nadal de Vigo. Situado na Porta do Sol, o carrusel cuberto ten dous pisos superpostos xiratorios, con cabalos e góndolas, nos que irán sentadas as nenas e nenos para gozar da experiencia. Amais, Caballero achegouse ata a árbore de Policarpo Sanz onde están rematando os traballos de montaxe.
luns, 15 nov 2021
Abel Caballero cualifica de “extraordinarias” as previsións hoteleiras de cara ao Nadal e invita a “todo o mundo” a vir a Vigo: “Vai ser excepcional”.
venres, 5 nov 2021
O alcalde deu conta este venres en rolda de prensa da modificación do contrato, aprobado pola Xunta de Goberno Local, co fin de “cubrir novas rúas da cidade e reforzar as que tiñan pouca iluminación”.
xoves, 28 out 2021
Logo dun 2020 sen certame pola pandemia, a cidade retoma o concurso desde hoxe xoves ata o 14 de novembro, con premios para os establecementos que sirvan os mellores pinchos e sorteos para os clientes. O edil de Comercio, Ángel Rivas, animou á cidadanía a “vivir o sabor” dun “evento consolidado e referente na hostalería da cidade”.
luns, 25 out 2021
Abel Caballero achegouse esta mañá ao inicio da instalación da bola de Nadal que, unha vez máis, se situará no farol de Urzáiz. Con 12 metros de altura e diámetro, contará con 43.000 puntos de luz pixel programable led que permitirán programar vídeos de animación de 6 minutos. O peso deste elemento é de 8 toneladas.
venres, 22 out 2021
Nun encontro con representantes do sector, Caballero trasladoulles que o Concello aplicará “na súa totalidade” as normativa sanitaria establecida pola Xunta co desexo de que “se relaxe a situación e se recuperen aforos e horarios. Cremos que ten que actuarse con criterio de relaxación das normas e baixaremos as restricións todo o que a Xunta nos permita”. Con todo, apelou á prudencia da cidadanía viguesa que o “está facendo moi ben”.
venres, 22 out 2021
Abel Caballero mantivo un encontro cun grupo de traballadoras da antiga tenda da marca situada na rúa Príncipe. Segundo lle trasladaron, foron despedidas tras o peche do establecemento o pasado 28 de agosto. A empresa indicoulles que non podía recolocalas xa que non estaba previsto abrir outra tenda en Vigo, pero posteriormente abrírona no centro comercial Vialia. O alcalde considera que a empresa “ten que atender a estas traballadoras porque non foron tratadas con lealdade” e transmitiulles o seu apoio ante a situación na que se atopan.
mércores, 20 out 2021
O alcalde achegouse esta mañá ao inicio da montaxe do primeiro elemento ornamental do Nadal 2021. A gran caixa de regalo estará situada un ano máis no cruce entre Gran Vía e Urzáiz.
venres, 15 out 2021
O alcalde anunciou esta mañá a licitación da primeira fase da humanización da rúa Romil por un importe de 1,2 millóns de euros. A actuación contempla a renovación de pavimentación e canalizacións e vaise prolongar 5 meses.
mércores, 13 out 2021
Caballero cualificou de “moi boa” a ocupación hoteleira que rexistrou esta ponte na cidade, cunha media dun 82,3%. A este respecto, reiterou á Xunta a súa petición de aplicar na hostalería a mesma normativa covid que está vixente en Madrid.
