Na tarde deste luns ten lugar o acto de acendido do marcador electrónico de 4x3 metros que descontará o tempo restante ata o 20 de novembro, data para o comezo do alumeado de Nadal. “Queremos empezar a respirar o Nadal”, explicou Caballero: “Xa saben que o Nadal o marca Vigo, que é Vigo quen marca as pautas do Nadal neste planeta”.
O alcalde, Abel Caballero, e o presidente, Ximo Puig, avogan por un enlace diario Vigo-Valencia e abrir unha nova ruta entre a cidade olívica e Alacante, como vía para “aumentar eses espazos de encontro de carácter comercial” entre “dous territorios cunha economía tan potente e tan forte”.
O alcalde, Abel Caballero, fixo entrega este mércores dos recoñecementos xunto ao edil de Comercio, Ángel Rivas. A tapa de D’Antonio alzouse co primeiro premio no concurso, seguida da cociña do Café Bar A Dorna.
Abel Caballero mantivo un encontro este martes con membros da Federación de comercio de Vigo para preparar de forma conxunta un plan de actuación para dinamizar a súa actividade logo da “moi boa campaña” dos últimos meses.
Abel Caballero puxo en valor os datos de ocupación hoteleira da última fin de semana de setembro que chegaron ao 80% e que se suman aos bos números acadados no mes de agosto, polo que apunta que “Vigo é un gran destino turístico moi apreciado e valorado”.
Abel Caballero presentou esta mañá o II Desafío Audiovisual Illas Cíes, unha iniciativa que levará ás illas do 19 ao 22 de setembro a dez equipos de artistas que reflectirán distintas visións do arquipélago nos seus traballos fotográficos e de vídeo. “Seguimos promovendo a nosa candidatura de Cíes a Patrimonio da Humanidade, mentres que a Xunta demostra que só quixo obstaculizar o noso traballo”, advertiu o rexedor en declaracións aos medios.
O alcalde destaca a importancia deste sector “na loita contra o cambio climático e a eficacia enerxética”. O Auditorio Mar de Vigo acollerá este congreso entre o 29 de setembro e o 1 de outubro.
Abel Caballero detallou esta mañá á vicepresidenta do Goberno Nadia Calviño algúns dos proxectos industriais cos que a cidade aspira a fondos de recuperación europeos. Durante unha conferencia organizada dentro de Mindtech 2021, agradeceu á ministra a áxil xestión do Goberno Central cos recursos procedentes do programa Next Generation EU.
O potencial turístico da cidade mantense en setembro cunha ocupación media de máis dun 75% na segunda fin de semana deste mes. Amais, no que vai de verán, 4.615 viaxeiros fixeron uso do autobús turístico que funciona desde xullo.
O IV Congreso Internacional Aeronáutico e Espacial celebrouse esta mañá no Auditorio Mar de Vigo, como paso previo á feira Mindtech que abrirá as súas portas mañá no Ifevi. Caballero felicitou a organizadores e participantes e deulles as grazas por elixir Vigo.