martes, 26 xan 2021
Con 1,9 millóns de investimento, o Concello comezou este martes os traballos de remodelación da praza e da Baixada á Estación, que se prolongarán durante seis meses. A actuación inclúe a reconstrución do frontal de pedra da antiga terminal ferroviaria, inaugurada a finais do século XIX.
venres, 15 xan 2021
Citados no Ifevi, o BOP publica este venres a data -a expensas dos protocolos Covid, segundo anotou o alcalde- e as listas provisionais de candidatos. 419 persoas solicitaron optar a unha das doce vacantes de acceso libre, ás que se engaden outras tres de promoción interna e catro prazas máis de condutor-bombeiro.
venres, 15 xan 2021
O Concello xa enviou a súa alegación ao recheo que a Autoridade Portuaria proxecta en Bouzas advertindo de que o necesario crecemento do espazo portuario é posible sen un só recheo máis na Ría. O alcalde avogou en rolda de prensa por accións como o actual silo para coches, que permite multiplicar a superficie útil por catro sen causar dano algún ao medio ambiente.
martes, 12 xan 2021
Abel Caballero ofreceu este martes os datos de usuarios no transporte urbano vigués no 2020, que rexistra unha caída do 42,7% con respecto ao 2019, un total de 9,5 millóns de viaxeiros menos por mor da pandemia. “Demandamos do Goberno de España unha compensación polo déficit que significa”, argumentou o rexedor.
martes, 12 xan 2021
O Concello de Vigo puxo en marcha este martes o plan de tráfico especial para iniciar as obras do novo acceso á Autoestrada do Atlántico (AP-9) desde o centro da cidade. A actuación inclúe a derruba do paso elevado da rúa Alfonso XIII e a construción dun túnel. “Rectificamos un erro histórico”, dixo Abel Caballero.
luns, 11 xan 2021
O Concello conta cada ano cun estudo que avalía a calidade do tráfico en corenta percorridos. Sobre o exercicio anterior, o 2020 reflicte un avance de 34 a 37 itinerarios con circulación boa ou moi boa, segundo trasladou este luns o alcalde. Dos tres restantes, dous víronse afectados polas obras da Gran Vía, xa finalizadas.
luns, 11 xan 2021
O tráfico quedará cortado desde mañá martes 12 de xaneiro nas rúas Lepanto, Alfonso XIII e no acceso á AP9 para comezar a derruba do paso elevado e as obras de execución do túnel de entrada á estación. As alternativas para acceder á autoestrada son as seguintes: túnel de Beiramar, Isaac Peral, Praza San Lourenzo ou Bos Aires.
venres, 8 xan 2021
As baixas temperaturas, con termómetros baixo cero en moitas zonas da cidade, mantivo á Policía Local en alerta para detectar placas de xeos e dar aviso aos servizos de limpeza. Foi necesario aplicar sal en 25 puntos de rúas e estradas, especialmente en lugares altos do rural.
xoves, 7 xan 2021
As obras do novo acceso á Autoestrada do Atlántico (AP-9) desde o centro da cidade obrigan ao Concello a poñer en marcha un plan de tráfico desde o vindeiro 12 de xaneiro. A actuación inclúe a derruba do paso elevado da rúa Alfonso XIII e a construción dun túnel. Tamén a próxima semana comeza a reforma da Praza Estación.
martes, 22 dec 2020
O alcalde explicou este martes en rolda de prensa que o goberno municipal quere dar prioridade á mobilidade das persoas fronte ao tráfico rodado nestes días de movemento por mor das festas do Nadal, polo que amplía as horas de peche de varias rúas do centro.