venres, 12 feb 2021
A Xunta de Goberno Local deu o visto e prace ao proxecto para rehabilitar o edificio de rúa Alta 23 e levantar o novo Centro de Formación do Casco Vello. O alcalde indicou que a infraestrutura, cun investimento de case 700.000 euros, estará rematada a finais do presente ano.
mércores, 10 feb 2021
A cidade disporá proximamente de 185 semáforos acústicos activados a través do bluetooth do móbil ou cun mando a distancia. O alcalde deu conta esta mañá da instalación de cinco novas unidades, dotadas coa mesma tecnoloxía o que permite a activación do son á demanda do invidente.
martes, 9 feb 2021
Dez cámaras de alta definición retransmiten desde este martes o tráfico nas rúas de Vigo en directo a través da aplicación municipal “Vigo”. O alcalde visitou a sala de pantallas do departamento de Tráfico para mostrar o funcionamento do novo sistema.
venres, 5 feb 2021
O alcalde mantivo esta mañá un encontro protocolario co novo delegado de Defensa en Pontevedra, Miguel Constantino Cortés Calvo. Durante o encontro, Abel Caballero felicitouno polo seu nomeamento e a súa brillante traxectoria profesional.
venres, 5 feb 2021
A administración que preside Abel Caballero cubrirá quince vacantes no corpo de extinción, doce de quenda libre e tres de promoción interna. Con protocolo Covid, optan 408 candidatos das que 18 son mulleres, logo de que o Concello, por primeira vez, adaptara os requisitos das probas físicas para facilitar a súa incorporación.
xoves, 4 feb 2021
Por primeira vez en décadas sen o paso elevado á AP9, Alfonso XIII está aberta ao tráfico desde este xoves e ata finais de mes. Será entón cando volva pecharse á circulación para continuar ás obras, entre estas, a demolición da actual estación provisional de tren. Así, desde comezos do próximo mes, o acceso rodado e peonil terá lugar pola praza superior do edificio.
mércores, 3 feb 2021
O alcalde informou que, desde este xoves ás 11h ata o 22 de febreiro, se permitirá a circulación rodada desde Baixada á Estación ata Alfonso XIII, unha vez derrubado o paso elevado que conectaba Lepanto coa autoestrada. Caballero adiantou ademais que a inicios de marzo comezará a demolición da actual estación de Urzáiz.
mércores, 3 feb 2021
A cidade de Vigo xa é unha das preferidas polas produtoras para a rodaxe de películas, cortos e spots. O demostran as 26 peticións autorizadas en 2020 polo Concello para filmar nas rúas de Vigo e as catro recibidas ata o de agora neste 2021. “Promovemos e cooperamos porque xeran emprego e gasto no comercio e a hostalería local”, dixo o alcalde.
venres, 29 xan 2021
Ante as novas restricións decretadas pola Xunta ata o día 17, o alcalde anunciou este venres novas entregas gratuítas de máscaras faciais nas prazas de Cabral, Progreso, Teis, Calvario, Travesas, Berbés e Bouzas, os dous primeiros sábados de febreiro. Ademais, Vigo presta apoio loxístico e policial ao cribado que comeza este venres no IFEVI.
mércores, 27 xan 2021
A maioría da Corporación Municipal deu luz verde esta mañá a unha moción socialista que solicita ao Porto a paralización de calquera iniciativa que supoña novos recheos na ría de Vigo. A concelleira de Urbanismo, María Xosé Caride, reclamou ademais a elaboración dun plan axeitado para reubicar instalacións e optimizar o uso do espazo portuario.