A campaña "Na estrada, cervexa SEN" chegou este xoves a Vigo da man de Cerveceros de España co obxectivo de fomentar o consumo de bebidas non alcohólicas entre os condutores. O alcalde destacou a importancia dun consumo responsable e indicou que o Concello xa levou a cabo importantes medidas de seguridade na cidade para as motocicletas.
O alcalde de Vigo sumouse este xoves aos actos da Asociación Española contra o Cancro en Vigo para visualizar o apoio ás vítimas e as súas familias. O colectivo instalou unha mesa informativa no Farol de Urzaiz e organizou diferentes iniciativas. Ademais, o Concello xa ten instalados dous colectores rosas na Porta do Sol para reciclaxe de vidro.
Abel Caballero encomia a "extraordinaria profesionalidade e proximidade" da enfermería. O IV Congreso da Sociedade Galega de Feridas (SGH) acolle hoxe venres e mañá sábado en Vigo a profesionais de toda España para compartir as últimas técnicas e experiencias no tratamento das feridas crónicas.
Abel Caballero trasladará ao Ministerio de Xustiza o seu apoio ao colectivo xudicial na súa reclamación de implantar en Vigo o sistema de gardas de 24 horas. Logo de manter un encontro con responsables de UXT, o rexedor defendeu este cambio porque redundará en mellor servizo á cidadanía e mellores condicións laborais para os traballadores.
Abel Caballero recibiu este martes ás organizadoras do 89º Congreso Internacional de Médicos de Atención Primaria que se celebrará en Vigo o vindeiro 17 de outubro. O alcalde coñeceu os detalles do evento nunha xuntanza con Ana Clavería e Susana Aldecoa, responsables do comité organizador, e amosoulles o seu apoio e o do Concello de Vigo de cara á cita.
O Sergas adoptou esta decisión en 2014 e asegurou entón que era temporal, "e a provisionalidade leva cinco anos", denunciou Abel Caballero, quen recordou que a redución da poboación de referencia ten implicacións orzamentarias e de formación. O xefe de servizo de Cirurxía Pediátrica asegurou que Vigo está capacitada para asumila e considerou que a decisión foi "política".
O proxecto presentado pola Xunta de Galicia para conseguir a licencia municipal é practicamente a metade do inicialmente previsto, tanto en superficie e investimento como en número de consultas, segundo censurou Abel Caballero este mércores.
O Concello vén de recibir unha solicitude por parte da Xunta para prorrogar a licenza de obras do centro de atención primaria de Bouzas porque aínda non entregou o proxecto executivo. Deste xeito, confírmase, como xa denunciara o rexedor, que o Goberno autonómico non ten intención de iniciar esta construción en xuño, tal e como anunciou en período electoral.
No marco dun encontro celebrado este martes no Ministerio de Sanidade, Consumo e Benestar Social en Madrid, o alcalde explicou as accións que desenvolve o Concello en favor da saúde pública e o medio ambiente.
Abel Caballero manifestouse este mércores sobre o paro convocado polo persoal sanitario de Atención Primaria para hoxe, en demanda de máis medios, máis tempo para atender aos pacientes e un aumento do 25% no investimento en Atención Primaria. "Quero darlle todo o apoio do goberno de Vigo, todo o apoio da cidade, porque compartimos os seus obxectivos", afirmou o alcalde.