O rexedor anunciou a súa presencia na mobilización organizada o próximo 7 de xullo na rotonda da estación do tren de Coruxo para reclamar a continuación do pediatra no centro de saúde. En rolda de prensa avanzou que enviará unha carta ao presidente da Xunta reclamándolle a reposición do servizo.
O Concello vigués recibe un novo impulso ao recibir unha subvención de 265.000 euros do Ministerio de Sanidade. Ademais, hoxe mesmo o rexedor entregou os diplomas do concurso escolar "Por un lecer saudable" no que participaron numerosos centros educativos da cidade.
Abel Caballero criticou este xoves que a Xunta volva desviar doentes a Santiago, desta volta para probas de medicina nuclear. Ademais do prexuízo aos usuarios, restar poboación a área sanitaria viguesa supón menor orzamento para a formación especializada dos profesionais de Vigo, denunciou o alcalde.
Tras unha reunión este martes co colectivo, Abel Caballero denunciou que a Xunta de Galicia lles obriga a facer traballos de limpeza que non lles corresponde e pode significar descoidar as funcións sanitarias que lle son propias. As profesionais "queren manter a calidade asistencial, teñen o meu apoio", concluíu o rexedor.
O alcalde alertou este luns da situación rexistrada durante os últimos días no Hospital Álvaro Cunqueiro, onde houbo de aprazarse operacións debido a problemas coa esterilización do material cirúrxico. "Trátase dun feito dunha gravidade extrema, non é un problema calquera, afecta ao corazón dos sistema sanitario de Vigo", sinalou o rexedor. <br />
Paliar as deficiencias estruturais do Álvaro Cunqueiro, que teña un aparcadoiro gratuíto ou que Vigo deixe de liderar as listas de agarda máis longas de Galicia son algúns dos motivos que esgrime a Xunta de persoal do Chuvi para convocar unha manifestación o próximo xoves 12 de abril. Como xa fixera días atrás, o rexedor animou a todo Vigo a participar nesta mobilización en defensa da Sanidade.
Abel Caballero solicita aos alcaldes da área sanitaria que convoquen tamén aos cidadáns para apoiar a convocatoria, que partirá de Vía Norte ás 8 da tarde o próximo xoves 12 de abril. Lamentou, entre outros aspectos, as inmensas listas de agarda, o peche de camas ou o aparcamento de pago.
O alcalde de Vigo achegouse esta mañá ao Auditorio Mar de Vigo onde preto de 400 escolares de distintos centros da cidade participaban nun programa de actividades sobre nutrición saudable. En colaboración con Eroski, o Concello apoia este tipo de obradoiros que teñen por obxectivo fomentar a alimentación equilibrada entre os máis novos. <br />
Abel Caballero reuniuse este luns co persoal do centro médico vigués Álvaro Cunqueiro para coñecer a situación na que se atopan. Os traballadores trasladáronlle ao alcalde as carencias de persoal, material e medios para poder desempeñar a súa labor diaria. Ademais, relataron os desprazamentos que deben facer no interior do hospital para trasladar aos pacientes.
Abel Caballero instou esta mañá á Xunta a construír o centro de saúde de Bouzas para o que o Concello cedeu un edificio e un solar hai xa nove anos. Na súa opinión, é unha tomadura de pelo para os veciños que o goberno autonómico anuncie agora un estudo das necesidades en lugar de iniciar xa as obras.