O rexedor criticou á Xunta por trasladar o hospital de Vigo a Beade-Valadares sen "un plan de choque" para paliar os efectos do cese de actividade do Xeral no comercio e nas rúas da zona. Reclamou a cesión do edificio xa que o Concello xa está traballando sobre a recuperación desta área da cidade. <br />
O goberno de Vigo e o SERGAS mantiveron este mércores unha reunión sobre os accesos desde o aparcamento público que constrúe o Concello ao Hospital Álvaro Cunqueiro. Caballero valorou que "se avanzou bastante" e considera "cuestión inamovible" conseguir unha entrada directa, é dicir, "os mesmos accesos e as mesmas rutas" que empregan os usuarios do aparcamento de pago. <br />
O alcalde de Vigo reclamou á Xunta que non obstaculice a execución do aparcamento gratuíto que o Concello está a construír no novo hospital. En rolda de prensa, esixiu, unha vez máis, que se dea prioridade aos intereses dos cidadáns e non aos da empresa concesionaria. <br />
Segundo revelou este martes o alcalde, a Xunta de Galicia non autorizou ao Concello a facer unha conexión directa para vehículos e peóns entre o aparcamento municipal gratuíto que se está a habilitar e o Hospital Álvaro Cunqueiro. Pola contra, o goberno autonómico propón que o Concello faga una entrada e saída pola Avenida Clara Campoamor. Caballero esixe ao goberno autonómico que permita a conexión directa.
O goberno local impulsa un ano máis a contratación de mozos e mozas desempregagas para realizar labores sociais a través do convenio con Érguete-Integración. Dotado con 1.180.000 euros, esta iniciativa permitirá contratar a máis 50 persoas que atenderán a persoas no Casco Vello, Teis, As Travesas, Calvario e Bouzas-Coia.
Tras a reunión con Vázquez Almuiña deste luns, Caballero valorou o "bo tono" da entrevista mais lamentou que, no tocante á area sanitaria viguesa, "solucións e reformas, cero". O rexedor vigués solicitou melloras no novo hospital -máis camas, máis espazo en Urxencias, un laboratorio central e a gratuidade dos aparcamentos- e tamén na área sanitaria viguesa, como a construción dos centros de saúde comprometidos pola Xunta de Galicia.
Abel Caballero participou este xoves na clausura das Xornadas Conmemorativas da Fundación Érguete que se desenvolveron baixo o lema "Nin tolas nin terroristas" para celebrar os 30 anos de loita da entidade contra a drogodependencia. O Auditorio do Concello acolleu este encontro no que profesionais do ámbito xurídico, administrativo e do tratamento abordaron esta problemática. O alcalde felicitou a Érguete polo labor desenvolvido durante estes anos e recoñeceu a importancia das mulleres que puxeron en marcha a iniciativa hai tres décadas.
O Concello axilizará os trámites para poñer en marcha a segunda fase do proxecto municipal de construír un aparcadoiro gratuíto nas inmediacións do novo hospital de Vigo. Así o trasladou aos medios ao dar conta dos problemas de tráfico que está a xerar na zona o feito de contar cun parking privado e moi caro.
Nunha reunión celebrada este venres pola mañá no Concello, un grupo de profesionais do Hospital Álvaro Cunqueiro explicáronlle a Abel Caballero que o centro presenta deficiencias estruturais, fallos de organización e que o espazo para atender as urxencias "xa está esgotado". Por iso, o rexedor decidiu enviarlle unha carta ao presidente Feijóo demandando a resolución de todos os desperfectos que presenta.
O goberno local deu comezo aos traballos de preparación e aos trámites urbanísticos precisos para construír no novo hospital un aparcadoiro gratuíto de 500 prazas. Caballero amosou en rolda de prensa a súa preocupación pola seguridade dos usuarios que aparcan os vehículos en zonas perigosas por non pagar os elevados prezos do parking privado.