martes, 17 nov 2015
Segundo revelou este martes o alcalde, a Xunta de Galicia non autorizou ao Concello a facer unha conexión directa para vehículos e peóns entre o aparcamento municipal gratuíto que se está a habilitar e o Hospital Álvaro Cunqueiro. Pola contra, o goberno autonómico propón que o Concello faga una entrada e saída pola Avenida Clara Campoamor. Caballero esixe ao goberno autonómico que permita a conexión directa.
martes, 10 nov 2015
O goberno local impulsa un ano máis a contratación de mozos e mozas desempregagas para realizar labores sociais a través do convenio con Érguete-Integración. Dotado con 1.180.000 euros, esta iniciativa permitirá contratar a máis 50 persoas que atenderán a persoas no Casco Vello, Teis, As Travesas, Calvario e Bouzas-Coia.
luns, 9 nov 2015
Tras a reunión con Vázquez Almuiña deste luns, Caballero valorou o "bo tono" da entrevista mais lamentou que, no tocante á area sanitaria viguesa, "solucións e reformas, cero". O rexedor vigués solicitou melloras no novo hospital -máis camas, máis espazo en Urxencias, un laboratorio central e a gratuidade dos aparcamentos- e tamén na área sanitaria viguesa, como a construción dos centros de saúde comprometidos pola Xunta de Galicia.
xoves, 15 out 2015
Abel Caballero participou este xoves na clausura das Xornadas Conmemorativas da Fundación Érguete que se desenvolveron baixo o lema "Nin tolas nin terroristas" para celebrar os 30 anos de loita da entidade contra a drogodependencia. O Auditorio do Concello acolleu este encontro no que profesionais do ámbito xurídico, administrativo e do tratamento abordaron esta problemática. O alcalde felicitou a Érguete polo labor desenvolvido durante estes anos e recoñeceu a importancia das mulleres que puxeron en marcha a iniciativa hai tres décadas.
mércores, 7 out 2015
O Concello axilizará os trámites para poñer en marcha a segunda fase do proxecto municipal de construír un aparcadoiro gratuíto nas inmediacións do novo hospital de Vigo. Así o trasladou aos medios ao dar conta dos problemas de tráfico que está a xerar na zona o feito de contar cun parking privado e moi caro.
venres, 2 out 2015
Nunha reunión celebrada este venres pola mañá no Concello, un grupo de profesionais do Hospital Álvaro Cunqueiro explicáronlle a Abel Caballero que o centro presenta deficiencias estruturais, fallos de organización e que o espazo para atender as urxencias "xa está esgotado". Por iso, o rexedor decidiu enviarlle unha carta ao presidente Feijóo demandando a resolución de todos os desperfectos que presenta.
venres, 25 set 2015
O goberno local deu comezo aos traballos de preparación e aos trámites urbanísticos precisos para construír no novo hospital un aparcadoiro gratuíto de 500 prazas. Caballero amosou en rolda de prensa a súa preocupación pola seguridade dos usuarios que aparcan os vehículos en zonas perigosas por non pagar os elevados prezos do parking privado.
venres, 5 xuñ 2015
O alcalde transmitiu esta mañá o seu apoio aos traballadores do Nicolás Peña cos que mantivo esta mañá un encontro no que estes profesionais lle trasladaron a intención da Xunta de pechar todo o hospital -excepto a área de siquiatría- durante 15 días. Caballero amosou a súa absoluta disconformidade con esta decisión e así llo trasladará por carta a Alberto Núñez Feijóo.
xoves, 12 feb 2015
Caballero avanzou hoxe xoves que un voceiro dos enfermos de hepatite C que precisan tratamento urxente terá voz no próximo Pleno de finais deste mes. Logo de manter un encontro con afectados, o rexedor reiterou todo o apoio do Concello á "súa xusta causa, que a causa da vida".
venres, 16 xan 2015
Tras unha reunión con médicos de urxencias do Meixoeiro, Abel Caballero indicou que a situación é "caótica e catastrófica" (con esperas nos pasillos de ata 9 horas), segundo afirman os propios facultativos, que están "preocupadísimos" pola "desatención da Xunta de Galicia". O rexedor reclama "con toda contundencia" que "Feijóo atenda ás urxencias e á sanidade desta cidade" e anuncia unha comparecencia do colectivo no próximo Pleno.
