O alcalde denuncia unha "carencia estrutural de persoal" nas urxencias e na sanidade viguesa

venres, 16 xan 2015

Tras unha reunión con médicos de urxencias do Meixoeiro, Abel Caballero indicou que a situación é "caótica e catastrófica" (con esperas nos pasillos de ata 9 horas), segundo afirman os propios facultativos, que están "preocupadísimos" pola "desatención da Xunta de Galicia". O rexedor reclama "con toda contundencia" que "Feijóo atenda ás urxencias e á sanidade desta cidade" e anuncia unha comparecencia do colectivo no próximo Pleno.

O alcalde traslada á Xunta a súa "oposición total" ao peche do centro de saúde de Beiramar

xoves, 22 mai 2014

Abel Caballero remitirá un escrito á conselleira de Sanidade manifestando o seu rexeitamento á intención do SERGAS de trasladar o ambulatorio de Beiramar ao de Rosalía de Castro. Tras unha reunión hoxe xoves con médicos do centro, o alcalde indicou que a medida responde a motivos económicos e censurou o peche de infraestruturas na área de Galicia con "peor atención sanitaria".