mércores, 9 nov 2011
Abel Caballero cualificou de "gravísimo" que a Xunta de Galicia abra a posibilidade de cobrar aos usuarios dos servizos médicos públicos e avanzou que "vou actuar contra esta norma" para que "sexa retirada". Trasladará ao departamento xurídico do Concello esta decisión autonómica para que estude o Concello persoarse contra a mesma.
martes, 20 set 2011
Abel Caballero reclamou hoxe martes á necesidade de que Vigo conte cun hospital con fondos e capital públicos porque a "cidade non reclama máis do que teñen A Coruña ou Santiago". Indicou que o proxecto funcional que estaba inicialmente consensuado e aprobado "quedou abandonado" e -exemplificou- das 1.450 camas previstas, pasarán a 700.
martes, 26 xul 2011
A Corporación solicitará ao Goberno de España a retirada do recurso en contra da racionalización da prestación farmacéutica en Galicia. Populares e nacionalistas aprobaron unha moción do Partido Popular, que aceptou unha enmenda do BNG, que insta a intensificar debates que permitan reducir o gasto farmacéutico.
xoves, 17 feb 2011
O alcalde mantivo un encontro con este colectivo para abordar temas clave da cidade así como as preocupacións máis concretas deste sector. Na reunión, que tivo lugar onte mércores na Alcaldía, abordáronse temas coma o novo hospital de Vigo, a situación de Povisa así coma centros de saúde da cidade.
A alta demanda evidencia o grande éxito do programa que se inclúe no Plan Saúde
luns, 14 feb 2011
A concellería de Sanidade presentou o programa gratuíto de medicións en asociacións para previr e detectar posibles cardiopatías. Nas medicións xa realizadas en Coruxo despréndese que tan só un 11,1% da poboación medida atópase en situación de "normopeso". A resposta evidencia que achegar o equipo técnico ao entorno de cada asociación facilita o aceso as persoas de idades avanzadas.
martes, 1 feb 2011
A concelleira de Medioambiente e Sanidade, a socialista Chus Lago, presentou este martes a Guida e Mami, dúas cadelas procedentes da Sociedade Protectora de Animais que se incorporan ao Plan Saúde para axudar ás terapias de nenos con problemas. As cadelas, maltratadas antes de chegar á Protectora, foron educadas cunha formación básica que continuará en Asturias cun programa específico para traballar, dentro de dous meses, cos nenos. Vigo pasa así a ser o primeiro concello con dous cans para terapia na súa unidade sanitaria municipal.
luns, 24 xan 2011
A concelleira de Sanidade, Chus Lago, presentou neste luns a posta en marcha dunha iniciativa que nace coa intención de detectar posibles cardiopatías na poboación de maior idade. Polo de agora estase xa a desenvolver na Asociación de Veciños de Coruxo, na que se realizarán 50 medicións antropométricas grazas á unidade móbil do Plan Saúde.
Chus Lago presentou o balance do estudio antropométrico realizado en diversos colexios da cidade
martes, 26 out 2010
A concelleira de Sanidade destacou este martes que máis do 80% deste sector da poboación teñen un peso normal. O estudio antropométrico levouse a cabo cunha mostra representativa de 571 nenos e nenas de diferentes centros docentes da cidade, con idades comprendidas entre os 12 e os 16 anos. Ademais do estudio, a concelleira destacou a alta demanda da poboación viguesa das diferentes ofertas da Unidade Concello Saudable, creada hai agora un ano e que rexistrou un total de 615 asistencias.
luns, 7 xuñ 2010
O departamento que dirixe Chus Lago da comezo este luns ás actividades enmarcadas no Plan Saúde para este verán. Todos os interesados poderán participar de xeito gratuito deste programa que se impartirá no espazo reservado xunto á praia de Argazada, practicando Tai Chi os luns, mércores e venres, e Pilates os martes e xoves. As sesións impartiranse de 20 a 21 horas durante os meses de xuño, xullo e agosto.
A actividade está organizada pola Concellería de Medio Ambiente, Sanidade e Consumo de Vigo
luns, 15 mar 2010
A partir do 15 de marzo, ábrese o prazo de inscrición para a primeira edición do Camiño de Santiago que organiza a Concellería de Medio Ambiente, Sanidade e Consumo de Vigo. Todas as persoas interesadas poderán tramitar a preinscrición chamando ao servizo de atención telefónica do Concello de Vigo (010) entre luns 15 de marzo e o venres 26 de marzo.