O alcalde apoiará a mobilización dos veciños de Oia, Saiáns, Coruxo e Comesaña en defensa do pediatra
O rexedor anunciou a súa presencia na mobilización organizada o próximo 7 de xullo na rotonda da estación do tren de Coruxo para reclamar a continuación do pediatra no centro de saúde. En rolda de prensa avanzou que enviará unha carta ao presidente da Xunta reclamándolle a reposición do servizo.
Abel Caballero avanzou a súa "adhesión" á mobilización convocada o próximo sábado 7 de xullo ás 19,00 h na estación de tranvía de Coruxo para reclamar a permanencia do pediatra no centro de saúde. Así llo trasladou esta mañá aos veciños de Oia, Saiáns, Coruxo e Comesaña cos que mantivo un encontro no que lles puxo de manifesto que as vacacións dos facultativos non son accidentes imprevisibles que xustifiquen a esta situación. Na súa opinión, o que está a Xunta está a desmantelar o servizo de pediatría destas catro parroquias o que tamén afectará a Navia xa que os profesionais dese centro de saúde terán que atender a máis nenos.
O alcalde anunciou o envío dunha carta ao presidente da Xunta reclamando a reposición do pediatra, así como unha planificación do como se van suplir as vacacións os próximos anos. "Imos defender a sanidade de Oia, Saiáns, Coruxo e Comesaña, empezando polo pediatra e xa lle advirto a Feijóo, proseguiu, que non imos permitir o desmantelamento da sanidade na cidade de Vigo".
Descargar todas as imaxes
O alcalde anunciou o envío dunha carta ao presidente da Xunta reclamando a reposición do pediatra, así como unha planificación do como se van suplir as vacacións os próximos anos. "Imos defender a sanidade de Oia, Saiáns, Coruxo e Comesaña, empezando polo pediatra e xa lle advirto a Feijóo, proseguiu, que non imos permitir o desmantelamento da sanidade na cidade de Vigo".