O Camiiño a Camiño comeza o próximo domingo 7 de outubro coa primeira das oito rutas programadas para os dous próximos meses. Unha vez máis, o Concello conta coa colaboración do grupo Vegalsa Eroski que achega 18.000 euros a esta iniciativa municipal que xa reúne a máis de 20.000 participantes.
A concelleira de Medioambiente, Chus Lago, presentou este mércores as novas actividades de concienciación medioambiental. O goberno vigués ofrece percorridos polas rutas do viño en A Estrada, O Rosal e a comarca do Ribeiro, sendeiros locais, formación e dúas saídas aos Ancares coa temática da contaminación alumínica e dos plásticos.
A segunda conferencia do ciclo "Falemos das Illas Cíes" será este mércores ás 20:30 horas no gastrobar do Mercado do Berbés. A charla correrá a cargo de Luis Navarro, investigador da Universidade de Vigo e divulgador científico, fundador do portal "Divulgare".
A observación das Perseidas ten lugar este domingo, de 22:30 a 00:30h, en VigoZoo e correrá a cargo de monitores da Fundación Ceo, Ciencia e Cultura. En paralelo, informou o alcalde, o goberno de Vigo programa a actuación da Orquestra Clásica de Vigo no Castro, o sábado ás 21:30h, interpretando "Os planetas" de Gustav Holst. A noite do sábado o Concello celebra a Noite Branca dos museos.
O alcalde reuniuse este luns cos científicos encargados dos relatorios. Este mércores ás 21 horas na Praza da Constitución comezan as xornadas divulgativas coa proxección dun documental sobre os fondos mariños das Illas Cíes, con bloques sobre a maragota, os tiburóns e as centolas.
Abel Caballero foi o encargado de izar este luns a Bandeira Azul da praia de Argazada nun acto que contou coa presencia de parte do dispositivo de salvamento, socorrismo e Policía Local despregado durante os meses de verán nos areais vigueses. O Concello de Vigo xa ten en marcha este servizo nas praias con 26 socorristas e 10 axentes.
Na inauguración do I Congreso "Cíes Patrimonio" o alcalde destacou o apoio social e científico do que goza a candidatura, "esenciais para que logremos a máxima protección". Un dos poñentes, o experto Jorge Cortés, valorou o "rigor científico" do proxecto impulsado por Vigo e mostrouse seguro do seu éxito. <br />
"Vigo converterase durante estes días na capital mundial da ciencia", destaca Caballero. Vigo acollerá do 20 ao 22 de xuño o VI International Symposium on Marine Science (ISMS), que albergará un total de seis congresos simultáneos, entre eles o I Workshop "Patrimonio Cíes", e que contará coa presenza de case 500 especialistas de todo o mundo.
O alcalde avanzou este luns que o Boletín Oficial da Provincia de Pontevedra (BOPPO) xa publicou a designación da Foz e A Calzoa como praias para cans. Os dous areais xa foron sinalizados e delimitados para que os animais poidan desfrutar durante todo o ano. Ademais, o Concello estuda dúas novas zonas para esparexemento canino na cidade.
Abel Caballero felicitou á cidade por obter de novo todas as distincións azuis solicitadas para as praias e sendeiros de Vigo, bandeiras que recoñecen, entre outros aspectos, a limpeza dos areais, o coidado, a vixilancia, o salvamento ou a atención médica.