martes, 5 xul 2022
Os usuarios poden reservar online e con antelación o seu billete para o servizo de autobús de volta dos concertos de Castrelos. O prezo do billete corresponde á tarifa ordinaria de transporte (1,40€), mentres que os usuarios da PassVigo poderán beneficiarse da tarifa bonificada no momento da compra online.
luns, 4 xul 2022
Abel Caballero anunciou esta mañá que o próximo mércores 6 de xullo sairá á venda a reserva para gozar do concerto de Sebastián Yatra desde a platea de Castrelos. Ao ser de pé, serán 5.000 as localidades dispoñibles para unha actuación prevista o mércores 13 de xullo, ás 22,00 h
xoves, 30 xuñ 2022
As entradas para o concerto de Castrelos sairán á venda o luns 4 de xullo en dúas quendas (10,00 e 17,00h)para facilitar o acceso de toda a cidadanía. Este ano, ademais, poderán adquirirse tamén de forma presencial e ese mesmo día na billeteira do Auditorio Municipal.
xoves, 23 xuñ 2022
O alcalde detallou este xoves o dispositivo habilitado para a noite más curta do ano, con 41 axentes da Policía Local para velar pola seguridade e un incremento das frecuencias do autobús urbano vigués. Caballero recordou que está “completamente prohibido” calquera tipo de lume nas praias.
xoves, 23 xuñ 2022
A Xunta de Goberno Local aprobou este xoves a proposta de contratación das obras do proxecto de humanización da primeira fase da rúa Romil, entre o cruzamento coa rúa Feliciano Rolán e a rúa Ourense.
venres, 17 xuñ 2022
O Concello resolveu a convocatoria dirixida a asociacións sen ánimo de lucro e acordou conceder 1.140.000 euros a entes veciñais, sociais, empresariais e deportivos, entre outros, para facer fronte á contratación de 206 profesionais. O goberno vigués tamén concedeu subvencións a O Marisquiño, o Banco de Alimentos e a programas de cooperación internacional.
mércores, 15 xuñ 2022
O goberno de Vigo adxudicou este contrato, ao que destinará máis de medio millón de euros para dispor a parte técnica que faga posible a ducia de actuacións musicais programadas para este verán no auditorio vigués, entre eles, Sting, “o concerto máis importante que vai haber este verán en toda Galicia”, afirmou Caballero.
venres, 10 xuñ 2022
Abel Caballero explicou que este venres se pecha o prazo para solicitar ao Concello a organización das cacharelas na noite do 23 de xuño, rexistrando máis dunha vintena. O alcalde confiou na recuperación este ano da tradición festiva de San Xoan, logo da irrupción da pandemia.
venres, 10 xuñ 2022
A Xunta de Goberno local deu luz verde un convenio de colaboración con Vida Digna por valor de 180.000 euros para catro anos. O Concello adica anualmente case 340.000 euros a apoiar a labor dos comedores sociais de Vigo.
xoves, 9 xuñ 2022
O alcalde explicou este xoves en rolda de prensa que o Concello sobe de 260.000 a 390.000 euros a axuda para o desenvolvemento das festas e celebracións dos barrios e parroquias viguesas.