A undécima edición da San Silvestre solidaria festexará o xoves 31 de decembro (17,00 horas) a década de historia en Vigo. E será o seu terceiro Nadal consecutivo co epicentro na Praza de Compostela, estando previstas varias novidades. <br />
O Memorial Belarmino Alonso entra en escena este domingo (10:15 horas) para abrir a tempada de campo a través en Galicia e tamén para pechar un ano fantástico do Comesaña Sporting Club, o do seu centenario (1915-2015).
A proba solidaria sae o domingo 29 de novembro dende o farol de Príncipe e pode facerse correndo, en cadeira de rodas ou bicicleta adaptada. Co evento, a asociación Érguete continúa conmemorando os seus trinta anos de traxectoria e quere recadar fondos para axudar no seu labor de loita contra a drogodependencia. Abel Caballero salientou na presentación da carreira a "admiración e recoñecemento polo labor realizado" pola Asociación, nun acto no que estivo acompañado por Carmen Avendaño, presidenta de Érguete, e pola atleta paralímpica Susana Rodríguez, madriña da proba.
O alcalde de Vigo, Abel Caballero, acompañado polo concelleiro de Deportes, Manel Fernández, recibiu hoxe a representantes da xunta directiva do Club Deportivo Amfiv e ao seu novo patrocinador, a firma Más Visión.
O Pavillón Multiusos de Navia foi o escenario de presentación da nova temporada do programa Siareiros club e elite, nun acto no que estiveron presentes numerosos deportistas e que concentrou a todos os clubes adscritos ao Multiusos. Abel Caballero manifestoulles o seu orgullo polos resultados do deporte da cidade.
Preto de catrocentos deportistas acoden á cidade este sábado e domingo para competir no Gran Premio Internacional Cidade de Vigo que se celebra no pavillón de Navia, batendo marcas de participación. Na presentación do evento Manel Fernández quixo poñer en valor o torneo e sinalou o orgullo do Concello por contribuír ao seu desenvolvemento.
O concelleiro de Deportes presentou este xoves a carreira de running e obstáculos que se desenvolve este sábado día 3 de outubro na cidade e que pon a proba distintas destrezas dos participantes. É a primeira carreira destas características que inclúe a praia como escenario e suma xa arredor de 1.100 persoas inscritas.
Abel Caballero asinou esta mañá convenios con cinco entidades sociais para que poidan usar as instalacións deportivas de xeito gratuíto. Tal e como explicou na posterior rolda de prensa, os beneficiarios serán os usuarios da Fundación Menela, da Asociación San Francisco, da Asociación Alborada, de Cedro e de Down Vigo.
O alcalde de Vigo, Abel Caballero, manifestou hoxe ás autoridades de Viana do Castelo presentes no Náutico, á directiva do club local e ás institucións e patrocinadores asistentes, o seu respaldo á Semana do Atlántico Cidade de Vigo, o evento máis importante da vela lixeira a nivel nacional e que se desenvolve en Vigo e Viana durante o mes de outubro e o primeiro día de novembro.
O concelleiro de Deportes, Manel Fernández, amosou hoxe a súa máxima colaboración e a do Concello á Holi Run, unha curiosa proba que se pode facer andando ou correndo e que se disputará o 11 de outubro ás 11,00 horas nas inmediacións da praia de Samil.