A Vigo Battle of Teams, terceira edición dunha esixente competición de crossfit, deporte de moda importado de Estados Unidos, celebrarase esta semana, de venres a domingo, no complexo deportivo municipal de Samil co patrocinio do Concello de Vigo a través das concellerías de Deportes e Turismo, segundo anunciou o alcalde da cidade, Abel Caballero.
O goberno de Vigo acordou hoxe venres a clasificación de ofertas -antiga adxudicación provisional- do suministro e mantemento de trece novas unidades. Así, explicou Caballero, o Concello contará con 37 desfibriladores semiautomáticos para cubrir todas as instalacións deportivas municipais.
Caballero recibiu este venres á directiva do club e ás capitás dos equipos júnior, cadete, infantil, alevín e benxamín, campioas en todas estas categorías, un resultado que cualificou como "fantástico. Temos un baloncesto feminino en Vigo que o gañou todo, non houbo nada que se nos resistira". No acto, o rexedor amosou tamén a súa satisfacción por poder saudar ao preparador físico da selección española de baloncesto feminino, Mario Muñoz, que realizou un "bo papel" na recente consecución do Campionato de Europa Sub-20 e de quen dixo que é "un orgullo que forme parte do baloncesto feminino de Vigo".
O alcalde deu conta este luns da aprobación do proxecto de reforma, que sairá por un importe de 420.000 euros. Caballero explicou que se executarán obras de construción dos novos vestiarios e cantina, servizos e bancadas, melloras que se suman ao novo céspede de herba sintética.
O alcalde visitou este luns o novo espazo deportivo que está a ultimar o Concello na ETEA, un novo pavillón deportivo resultante do cubrimento da piscina. Abel Caballero recordou que o seu goberno foi quen de abrir a ETEA ao público, recuperar a praia da Punta, reformar o pavillón e facer un campo de fútbol e rugbi, entre outras accións.
O alcalde de Vigo, Abel Caballero, acompañado polo concelleiro de Deportes, Manel Fernández, recibiu a unha representación do Roller Derby Vigo, club organizador da segunda edición do Campionato de España desta modalidade que acaba de aterrar no país e vaise xogar a fin de semana.
Caballero presentou este martes a segunda edición dunha marcha que sirve como colofón as actividades desenvoltas polo Concello de Vigo para o fomento do uso da bicicleta. Terá lugar este domingo, 9 de xullo, nos montes de Zamáns.
O alcalde de Vigo, Abel Caballero, presentou nas instalacións municipais de Máis que Auga Barreiro a quinta edición do Trofeo Concello de Vigo de pádel, que se celebrará dende o 1 ao 9 de xullo tanto nas pistas de Barreiro como nas de MQA Navia.
O Trofeo Armando Cajaraville de fútbol 7 e fútbol 8, organizado polo Casablanca e patrocinado polo Concello de Vigo, chegou á súa fase decisiva, segundo anunciou o alcalde da cidade, Abel Caballero, acompañado polo edil de Deportes, Manel Fernández, o presidente do club, Juan Lago, e representantes da entidade.<br />
O alcalde de Vigo felicitou hoxe xoves ao Atlético Guardés de Balonmán polo seu triunfo na Liga Loterías feminina de balonmán. Durante un encontro co rexedor de A Guarda e co presidente do club, Caballero avanzoulles a vontade da cidade de cederlles o Pavillón de As Travesas "sempre que sexa preciso", dado que esta dotación deportiva é a única que reúne as condicións esixidas por Europa.