O domingo 3 de abril, Samil recibe unha nova cita deportiva, a primeira edición do Cidade de Vigo de duatlón de estrada (9:30 horas).
Abel Caballero asinou este xoves pola mañá os convenios de colaboración con sete entidades deportivas viguesas de elite coas que o goberno local coopera para a realización das súas actividades da temporada 2015-2016. As axudas ascenden a 471.000 euros que se suman ao case 1.400.000 euros destinados ao deporte base da cidade.
Máis de cen pilotos nacionais e internacionais estarán en Vigo para o I Supercross + Freestyle, que se celebrará no IFEVI na última fin de semana do XXV Salón do Automóbil e Motocicleta de Vigo, os días 9 e 10 de abril. Logo de felicitar aos organizadores, Caballero animou a toda a cidade a gozar dun espectáculo que "desafía as leis da gravidade e fai posible o imposible".
Caballero informou este venres da aprobación da convocatoria de 550.000 euros para apoiar ás entidades deportivas sen ánimo de lucro. O Concello incrementou en 2016 os recursos para o deporte de base en 150.000 euros, adicando ao efecto case 1,4 millóns. <br />
A décima edición da Feira Internacional do Motor abriu as súas portas este venres no Recinto Feiral de Vigo, onde permanecerá ata o domingo, cunha oferta ampla do sector do motor e actividades complementarias para o público asistente.
Abel Caballero presentou hoxe venres a Gran Gala do Deporte de Vigo e a súa comarca, que cumpre a súa décimo sétima edición, e que vai celebrarse o vindeiro mércores día 16 no teatro Afundación, o escenario habitual cada ano. Vai supoñer, nas súas palabras, "a homenaxe da cidade a un modelo de forma de vida e á participación no deporte".<br />
Manel Fernández, concelleiro de Deportes, presentou Galiexpo Motorshow, a décima edición do certame do motor, un evento ao que o Concello xa lle transmitiu que o seguirá apoiando en 2017.
Abel Caballero recibiu este venres a representantes da Agrupación Polideportiva de Coruxo, da Asociación de fútbol sala Aspovigo, da Federación Galega de Tenis, da Federación galega de squash, de Vigo en xogo e da Asociación Veciñal Monte da Mina cos que ratificou o programa de utilización das instalacións municipais sen custo para estas entidades, no que supón "unha nova axuda á acción deportiva", en palabras do rexedor.
O goberno local adicará este ano ao deporte dous millóns de euros, dos que 1,4 serán para deporte de base, o que supón un incremento de 200.000 euros respecto ao ano pasado. Os clubes de élite recibirán 600.000 euros en subvencións ao longo deste exercicio.
O alcalde de Vigo, Abel Caballero, acompañado pola concelleira de Igualdade, Uxía Blanco, e o edil de Deportes, Manel Fernández, mantivo hoxe unha reunión con dirixentes, adestradoras e xogadoras dunha ducia de clubs femininos locais ou que teñen equipos femininos ademais de masculinos. O motivo foi o de falar do Día Internacional da Muller e tamén dunha nova proposta municipal.