xoves, 7 abr 2016
O fútbol sala abandona os polideportivos para amosarse en plena cidade. O domingo 17 de abril, uns 800 xogadores de 5 a 8 anos disputarán a partires das 10:00 horas a primeira edición do Torneo Fútbol Sala na rúa, unha iniciativa da Aspofusa, asociación local de fútbol sala que organiza a Liga Concello de Vigo desta modalidade.
mércores, 6 abr 2016
O alcalde recibiu este mércores aos representantes da Federación de Peñas, entidade coa que o goberno de Vigo manterá cooperación permanente e á que apoiará economicamente na celebración dos seus 25 anos no próximo 2018. Caballero tamén garantiu a súa reubicación durante as obras no estadio de Balaídos.<br />
mércores, 6 abr 2016
O alcalde de Vigo animou a todo Vigo a achegarse a Samil o domingo pola mañá para participar "na gran festa do deporte" que vai ser a saída dos participantes da Vig Bay. Esta media maratón cumpre este ano a súa XVII edición con máis de 5.300 participantes.
venres, 1 abr 2016
Abel Caballero mantivo un encontro este venres con Pilar Ruíz e Mar Mariño, da organización da Vig-Bay, que lle entregaron a camiseta desta décimo sétima edición e con quen o rexedor tivo a oportunidade de "constatar que a organización marcha perfectamente". A media maratón celébrase o próximo 10 abril percorrendo os municipios Vigo, o punto de saída, Nigrán e Baiona, o punto de meta.
martes, 22 mar 2016
O Concello de Vigo deulle esta mañá o visto bo ao convenio asinado entre Deputación de Pontevedra e o Coruxo Fútbol Club por valor de 100.000 euros. Tal e como explicou o rexedor, desde que Carmela Silva preside o organismo provincial, calquera acordo con entidades ou asociacións de Vigo deben contar co beneplácito do Concello.
martes, 22 mar 2016
A partir do próximo luns, un grupo de persoas invidentes empezarán a adestrarse no Club de Remo Virxe da Guía para formar parte dos equipos de competición deste colectivo. Caballero felicitou con "entusiasmo" aos responsables desta entidade deportiva logo de coñecer esta iniciativa durante un encontro que tivo lugar esta mañá na Alcaldía.
luns, 21 mar 2016
O domingo 3 de abril, Samil recibe unha nova cita deportiva, a primeira edición do Cidade de Vigo de duatlón de estrada (9:30 horas).
xoves, 17 mar 2016
Abel Caballero asinou este xoves pola mañá os convenios de colaboración con sete entidades deportivas viguesas de elite coas que o goberno local coopera para a realización das súas actividades da temporada 2015-2016. As axudas ascenden a 471.000 euros que se suman ao case 1.400.000 euros destinados ao deporte base da cidade.
martes, 15 mar 2016
Máis de cen pilotos nacionais e internacionais estarán en Vigo para o I Supercross + Freestyle, que se celebrará no IFEVI na última fin de semana do XXV Salón do Automóbil e Motocicleta de Vigo, os días 9 e 10 de abril. Logo de felicitar aos organizadores, Caballero animou a toda a cidade a gozar dun espectáculo que "desafía as leis da gravidade e fai posible o imposible".
venres, 11 mar 2016
Caballero informou este venres da aprobación da convocatoria de 550.000 euros para apoiar ás entidades deportivas sen ánimo de lucro. O Concello incrementou en 2016 os recursos para o deporte de base en 150.000 euros, adicando ao efecto case 1,4 millóns. <br />