martes, 18 ago 2015
O alcalde de Vigo, Abel Caballero, e o concelleiro de Deportes, Manel Fernández, recibiron hoxe martes na sala de xuntas de Alcaldía aos representantes da Federación Galega de Tenis e Escola de Tenis de Samil con motivo da organización da 74 edición do Campionato Cidade de Vigo de tenis-VI Memorial Antonio Santorio, nas pistas do complexo municipal de Samil do vindeiro día 24 ao domingo 6 de setembro.
xoves, 13 ago 2015
O alcalde de Vigo, Abel Caballero, acompañado polo concelleiro de Deportes, Manel Fernández, recibiu hoxe a Concepción Martins, presidenta do Club Baloncesto Seis do Nadal, ao directivo Ramón Román e ao coordinador deportivo da entidade, Sergio González, que acudiron acompañados polo dous metros Alberto Abalde.<br />
mércores, 12 ago 2015
Abel Caballero visitou esta mañás o novo complexo deportivo de Navia que, a expensas de realizar os útimos remates, entrará en funcionamento o próximo 14 de setembro. Segundo detallou o rexedor, trátase dunha obra de 11 millóns de euros e unha superficie total de 16.000 m2.
mércores, 12 ago 2015
O alcalde de Vigo, Abel Caballero, asegurou que o 75 Concurso Internacional de tenis do Club de Campo, do 17 ao 23 deste mes, amosta que "o club converteuse nun emblema", cualificando á sociedade recreativa local, nada en 1934, de "club moi grande, inmenso".
luns, 10 ago 2015
O alcalde de Vigo, Abel Caballero, asistiu hoxe luns á presentación oficial da Regata Ribeiro - Rías de Galicia, no Real Club Náutico de Vigo, subliñando a "paixón" que para a cidade supón navegar. A competición desenvolverase do 13 ao 16 do mes en curso.
martes, 4 ago 2015
O alcalde de Vigo, Abel Caballero, acompañado polo concelleiro de Deportes, Manel Fernández, e membros do Club Castrelos 20:30, organizador da proba popular, presentaron a II 24 VGO, a segunda edición das 24 horas de Vigo, unha proba pionera en Galicia que se celebrará dende as 12 horas do sábado 29 de agosto ao mediodía do domingo 30 no parque de Castrelos.
mércores, 29 xul 2015
O alcalde participou este mércores na presentación de Vigo Street Stunts International 2015, onde os 16 mellores saltadores do mundo tomarán parte no evento que se celebrará os días 11 e 12 de setembro. Un destacado elenco de actuacións arropará o espectáculo, que terá lugar na explada do Náutico. Caballero felicitou aos organizadores e ve o evento como un proxecto de "longo percorrido" na cidade.
luns, 20 xul 2015
Abel Caballero felicitou esta mañá as xogadoras do Alerta Navia Fútbol, gañadoras da copa Federación de Galicia de fútbol feminino e campionas da Liga Autonómica B. Durante a recepción a estas deportistas, que veñen de ascender á Primeira Liga Autonómica, o rexedor subliñou a importancia do fútbol feminino e lembrou a implicación do Concello coas políticas de igualdade, dous días despois de recibir en Madrid o galardón Rosa Manzano, convertíndose Vigo na única cidade premiada con este recoñecemento ás políticas en defensa das mulleres.
mércores, 15 xul 2015
Así o avanzou no acto de inauguración do campo federativo de fútbol de Coia, remodelado integralmente. O alcalde apuntou que este mesmo mércores abordou co edil de Facenda unha "reforma urxente para aumentar de forma importante, xa este mesmo ano, os recursos" para os clubs e o deporte de base vigués. Segundo explicou Caballero, en dous meses podería estar dispoñible a nova dotación orzamentaria.
venres, 10 xul 2015
O alcalde asinou esta mañá un convenio cos reponsables do Sporting Club Comesaña de Atletismo, que este ano celebra o seu centenario. O Concello aportará 8.000 euros para colaborar coas actividades que a entidade vai desenvolver con motivo da efeméride.