Abel Caballero informou hoxe xoves da aprobación dos convenios co Vigo Rugby Club, co Xuvenil de Teis, coa Asociación Deportiva Carballal, cos Halcons, co Bosco e co AMFIV, parte dos case 2 millóns de axudas municipais ao deporte de base e elite. O Concello tamén acordou conceder 55.000 euros ao comedor social de AFAN.
O alcalde de Vigo presentou unha nova temporada de cross para escolares anunciando a primeira proba para este domingo ás 10:30 horas no colexio Monterrey.
O concelleiro de Deportes, Manel Fernández, presentou a Vigo Bike Contest 2017, o XVIII Trofeo Cidade de Vigo, que este ano abrangue dúas fins de semana, esta (11 e 12 de marzo) e a do 8 e 9 de abril, cando se celebrará o maratón BTT do circuíto Transgalaica.
A Xunta de Goberno Local deste xoves deu luz verde ao proxecto de reforma da estrutura e do pavimento do pavillón de Monte da Mina, en Castrelos. Abel Caballero explicou que investirá 260.000 euros na remodelación deste recinto polideportivo.
O acordo entre os concellos de Vigo e Pontevedra, a Deputación e as federacións española e galega de balonmán permitirá tamén que se celebre en 2018 o Torneo Internacional "Domingo Bárcenas", que contará coa presenza da selección española e doutras tres internacionais.
O alcalde recibiu este venres a deportistas viguesas, que lle entregaron o manifesto "A Igualdade dá Xogo" desde a "constatación" de que as mulleres teñen "máis presenza" no deporte. Caballero recordou que o Concello presta apoio "significativo" á promoción da igualdade e do deporte feminino.
A décimo-oitava edición da Gran Gala do Deporte de Vigo e a súa Comarca celebrarase o vindeiro día 23, xoves, ás 20:00 horas no Centro Cultural Afundación.
O concelleiro de Deportes advertiu ao afeccionado local que estea preparado este domingo (11:00 horas, Central das Travesas) para gozar da terceira edición do Trofeo Cidade de Vigo de baile deportivo.
O alcalde de Vigo, Abel Caballero, anunciou a celebración este domingo da cuarta edición da Gran Bikedada, "un evento deportivo ciclista da maior importancia", resumiu o rexedor, e que sairá da zona do Náutico ás 9:00 horas para chegar ata o encoro de Eiras, en Fornelos de Montes, e voltar ao seu punto inicial.
Abel Caballero presidiu este xoves a recepción que o Concello ofreceu aos responsables do Celta, do ucraniano Shakhtar Donetsk e da UEFA no Pazo de Castrelos con motivo do partido que enfronta aos dous equipos este serán en Balaídos. Na súa intervención, confiou na vitoria dos celestes e animou aos representantes do equipo e da UEFA a coñecer a cidade.