Manel Fernández, concelleiro de Deportes, presentou hoxe a terceira edición do Torneo Concello de Vigo de pádel, acompañado polo presidente do Club Barreiro Pádel, Antonio Amaro, así como o director técnico de Máis que Auga, Francisco Cortegoso, e o responsable deste deporte nos complexos MQA, Xoel Tejo.
O alcalde de Vigo, Abel Caballero, asinou hoxe un convenio de colaboración co tenista Martín de la Puente, ao que o Concello apoiará no seu camiño cara aos Xogos Paralímpicos de Río 2016.
O goberno local aprobou o último trámite administrativo das obras xa realizadas nos campos de fútbol de As Travesas, Samil e a ETEA nas que se investiron preto de 900.000 euros. O rexedor tamén deu conta da aprobación de máis de 75.000 euros para promoción da igualdade.
Coa colaboración do Concello de Vigo, esta fin de semana terá lugar no Real Club Náutico e no paseo marítimo a I Festa do Xadrez Educativo en Vigo, que conta con 500 participantes de todas as idades acreditados para cinco actividades organizadas: Torneo Interescolar, Programa de Ocio, Torneo Lóstrego, Simultáneas de Mestres e Acto de Clausura.
Manel Fernández, concelleiro de Deportes, presentou hoxe a 32ª Carreira Nocturna de San Xoán, que se disputará ás 21:00 horas do vindeiro martes no circuíto tradicional que remata no Berbés.
O concelleiro de Deportes, Manel Fernández, presentou hoxe venres o primeiro gran acto deportivo do Comesaña logo da recepción oficial do Concello a todos os estamentos da entidade de San Andrés de Comesaña en abril pasado.
O alcalde de Vigo, Abel Caballero, acompañado polo concelleiro de Deportes, Manel Fernández, e por presidentes, directivos e xogadores de varios equipos de fútbol afeccionado da cidade, presentou hoxe a Copa Vigo de fútbol, que en categoría masculina xa coñece os finalistas, Santa Mariña e Victoria, con Balaídos como escenario este sábado día 13 (19,00 horas), e a terceira edición do torneo feminino, que xogará as súas semifinais o día 17 e a súa final o sábado 20. O Concello é o patrocinador do evento, que ten entrada gratuíta á final.
Segundo o convenio asinado este martes polo alcalde e os responsables do club deportivo, o goberno de Vigo achega 48.000 euros para respaldar ao primeiro equipo, como club de elite no baloncesto en cadeira de rodas, e tamén para "intensificar" a súa división de base.
A proposta que levará a cabo o goberno local con Chano Rodríguez pasa por ofrecer charlas-coloquio nos centros educativos da cidade para concienciar aos escolares das especificidades e necesidades do deporte para discapacitados e trasladarlles os valores que representan. No caso de Susana Rodríguez Gacio, o Concello apoia á triatleta no seu proxecto de disputar os xogos paralímpicos de Río 2016. O alcalde de Vigo, Abel Caballero, firmou este venres ambos convenios de colaboración.
Balaídos será escenario un ano máis das finais da Vigo Cup, que este verán entra na súa decimoquinta edición, "porque a verdadeira ilusión dos que xogan o torneo de fútbol base é disputar a final no estadio", explicou o alcalde, Abel Caballero, durante a rolda de prensa de presentación do evento.