A viguesa Clara Pereira e o seu compañeiro David Vigo, que forman parte do Club de Baile Deportivo Al Compás, participaron recentemente no Open Internacional Junior no que se proclamaron subcampións de España de baile deportivo. Abel Caballero felicitounos polo éxito acadado, nun encontro celebrado este martes no Concello, e transmitiulles o aprecio da cidade polo seu bo facer nas pistas.
Abel Caballero recibiu este luns a Javier Álvarez Fariña, a quen felicitou por terse proclamado recentemente gañador da Copa de España de Judo na categoría de menos de 90 quilos e sinalou a "grande importancia deportiva" deste galardón que sitúa o "judo de Vigo nos máis altos niveis de España". <br />
Este luns o rexedor mantivo un encontro con varios deportistas do Ximnasio Escola Tao de Vigo a quen lles deu os parabéns polos éxitos acadados ao longo da temporada 2016, con varias medallas no Mundial, nas diferentes categorías da especialidade de taekwondo e referiuse ao "altísimo nivel" que está vivindo o judo, o taekwondo e as artes marciais na cidade.
O Concello de Vigo, a través da Fundación VIDE, porá en marcha unha nova experiencia na primeira semana do ano co obxectivo de "multiplicar a oferta deportiva municipal de canteira", explicouse hoxe. Do 2 ao 4 de xaneiro (luns a mércores), As Travesas, Navia e Coia recibirán os Xogos Deportivos de Reis, unha actividade que terá a medio cento de equipos e máis de 500 deportistas con idades comprendidas entre os 4 e os 11 anos.
Logo do encontro mantido con responsables das entidades que participan na formación deportiva do Concello, Caballero deu conta da presenza de 5.000 alumnos nas 35 modalidades que se imparten e sinalou o beneficio que lles supón a exención municipal de 233.000 euros anuais.
O alcalde de Vigo, Abel Caballero, presentou a cuarta edición do Torneo de Nadal de fútbol, que se celebrará do 26 ao 30 deste mes en dez campos municipais con 2.000 participantes.
Caballero asinou esta mañá sete convenios con outras tantos colexios e entidades deportivas para eximirlles do pagamento da cota correspondente ao uso de instalacións municipais. Trátase dunha medida coa que o goberno local quere reforzar o seu apoio ao deporte.
O alcalde de Vigo, Abel Caballero, acompañado polo concelleiro de Deportes, Manel Fernández, reuniuse hoxe con representantes duns trinta clubs de fútbol da cidade, algo que, como lembrou, non é a primeira vez que fai, "pois me reúno con eles periódicamente". O rexedor explicou que este encontro produciuse "para falar da situación na que se atopan e do proxecto deportivo" que o Concello deseñou para esta modalidade.
O alcalde informou hoxe da sinatura de convenios para eximir a colexios e asociacións deportivas do pagamento da cota correspondente ao uso de instalacións municipais, unha medida coa que quere apoiar o deporte. Tamén se aprobou o convenio con ACOPOVI por valor de 65.000 euros para organizar o festival de habaneiras e polifonía "Cidade de Vigo".
Abel Caballero presidiu este xoves a recepción que o Concello ofreceu aos responsables do Celta, do Standard Lieja belga e da UEFA no Pazo de Castrelos con motivo do partido que enfronta aos dous equipos este serán en Balaídos. Agardando a vitoria dos celestes no encontro, convidou aos representantes do equipo e da UEFA a coñecer a cidade e eloxiou o bo facer do Celta na súa andaina europea e tamén na Liga española. <br />