martes, 14 abr 2015
Abel Caballero mantivo hoxe martes un encontro coa ximnasta e responsables do club Flic Flac e comunicóulles o apoio do Concello de Vigo ás iniciativas que impulse a entidade. "O Concello vai estar do lado de Desirée", indicou o alcalde, quen apuntou como exemplo a organización de exhibicións do Flic Flac para recadar fondos para a familia da atleta de 16 anos, que veu amputada parte dunha perna recentemente. Caballero amosoulles na reunión "todo o noso cariño, afecto e aprecio".
martes, 14 abr 2015
O alcalde, Abel Caballero, mantivo este martes unha reunión cos responsables do Gran Peña, "club histórico da cidade", que xoga no Carballal, en Cabral, un "campo de terra en condicións lamentables" que será reformado íntegramente polo Concello. O rexedor amosóulles o deseño elaborado para a remodelación, que inclúe un terreo de xogo de herba, novos vestiarios e unha bancada, para "dotar ao Gran Peña do campo que efectivamente necesita", subliñou Caballero.
martes, 14 abr 2015
O alcalde de Vigo asinou un convenio de colaboración co C.D. Xuvenil de Teis por valor de 23.000 euros. O rexedor explicou que esta é a única fonte de ingreso do clube e confía en que lle permita manter a súa presenza "con gran nivel deportivo".
luns, 13 abr 2015
O alcalde de Vigo, Abel Caballero, visitou hoxe luns de forma oficial o Real Club Náutico de Vigo, aceptando unha invitación realizada semanas atrás pola xunta directiva do club.
venres, 10 abr 2015
O alcalde de Vigo, Abel Caballero, asinou este venres o convenio de colaboración do Concello coa dirección da entidade deportiva e, segundo afirmou o rexedor, trasladoulles a intención municipal de dobrar a axuda económica que se lles otorga actualmente.
luns, 6 abr 2015
O alcalde de Vigo, Abel Caballero, e o edil de Deportes, Manel Fernández, recibiron hoxe a unha numerosa representación da xunta directiva, cadro técnico e atletas do Comesaña Sporting Club, como acto inicial do seu centenario (1915-2015).
mércores, 18 mar 2015
A medio maratón entre Vigo e Baiona foi presentada este mércores na cidade olívica, acto tras o cal Abel Caballero subliñou que a proba é unha "mostra de organización e capacidade de mobilización". 5.500 atletas tomarán a saída este domingo, ás 10:30h, desde a Avenida de Samil, un "espectáculo" deportivo "absolutamente impresionante" que o rexedor vigués invitou a presenciar.
mércores, 18 mar 2015
O alcalde de Vigo, Abel Caballero, presentou hoxe a quinta edición do Campionato de España de patinaxe artística de grupos show, Trofeo Cidade de Vigo, un evento que organiza a sección de patinaxe do Coruxo FC co patrocinio do Concello.
martes, 17 mar 2015
O alcalde de Vigo asinou seis proxectos de colaboración con outras tantas entidades deportivas de élite por importe de 360.000 euros. Esta achega é unha parte da partida de 600.000 euros que o Concello adica as categorías máis altas do deporte vigués, unha cantidade á que hai que sumar o preto de medio millón de euros destiñado ao deporte de base.
venres, 13 mar 2015
Abel Caballero mantivo esta mañá un encontro cos organizadores da Vig-Bay no que comprobaron que nestes momentos se dan "as mellores perspectivas posibles" para unha das grandes probas de atletismo de España. O ano pasado participaron 5.100 deportistas e este ano, explicou o rexedor, se prevé superar esa cifra na media maratón que se organizará o próximo domingo 21 de marzo.
