A Xunta de Goberno Local deu este venres o visto e prace á transferencia de financiamento do Concello de Vigo á Fundación MARCO. O alcalde, Abel Caballero, destacou que a achega municipal supón o 75 por cento do orzamento do museo e lembrou que tanto a Xunta de Galicia como o Ministerio de Cultura reduciron de forma importante as súas subvencións.
O festival, que conta con máis de vinte bandas de diferentes estilos musicais, celebrarase os días 23 e 24 de marzo en dez salas de Vigo, o que animará "a coñecer e gozar da cidade". O concerto de presentación correrá a cargo das bandas Slowdive e Dead Sex este sábado 10 de marzo no Auditorio Mar de Vigo.
A proposta para instar ao Ministerio de Cultura e á Xunta de Galicia a negociar coa Morgan Library&Musem foi aprobada cos votos do grupo municipal socialista. Os concelleiros da Marea abandonaron a sesión e o PP non compareceu. "Iniciamos unha senda que terá como final o regreso do Pergamiño a Vigo", sinalou o alcalde.
Caballero agarda o apoio unánime dos concelleiros a un acordo que insta ao Ministerio de Cultura a iniciar conversas coa propietaria do Pergamiño Vindel, a Morgan Library&Museum de Nova York, para que as Cantigas do século XIII "sexan adquiridas e restituidas á cidade de Vigo". O debate plenario será o mércores ás 12 horas.
O goberno local ven de colaborar na edición de "Jules Verne e o pesadelo de Xulia", un conto excepcional escrito pola xornalista Ana B. Gómez e que será distribuído por todos os centros educativos da cidade. O obxectivo é achegar aos estudantes de Infantil e Primaria á relación que este autor francés tivo con Vigo
Caballero presentou este luns a programación da Orquestra Clásica xunto ao seu director, Manuel Martínez. "É a formación decana de Galicia e cunha participación perenne no tecido cultural de Vigo", destacou o alcalde. O primeiro dos nove concertos será o vindeiro 15 de marzo no Auditorio Municipal e o Teatro García Barbón acollerá o último do ano, o Concerto de Nadal, o 29 de decembro.
Abel Caballero felicitou nesta mañá de xoves ao escritor vigués Antonio García Teijeiro, Premio Nacional de Literatura Infantil e Xuvenil 2017. Na posterior rolda de prensa, o alcalde cualificou como "unha honra" poder contar na cidade cun escritor tan relevante.
O próximo sábado 24 de febreiro Xosé Luís Méndez Ferrín recibirá o Premio Laxeiro da man do alcalde e presidente da Fundación, Abel Caballero. Durante a presentación deste galardón, o rexedor referiuse ao homenaxeado como "unha personaxe da maior importancia no ámbito cultural e político de Galicia". <br />
O Concello continuou este martes coas actividades programadas pola conmemoración da efeméride, hoxe coa teatralización do capítulo "A baía de Vigo" do libro "20.000 leguas de viaxe submarina" fronte á escultura de Verne. Nesta ocasión foron alumnos dos colexios García Barbón, Frián Teis e Ramón e Cajal os que participaron na iniciativa "Vigo le a Verne".
O alcalde saudou este venres no Auditorio Municipal aos nenos e nenas que asistiron á charla "Un vigués chamado Verne" dentro do encontro internacional Vigo Verne con motivo do 150 aniversario da entrada do "Nautilus" do Capitán Nemo na ría de Vigo. As xornadas continúan durante toda a fin de semana con varios actos, entre outros unha ofrenda floral este sábado no monumento a Xulio Verne e unha ruta marítima o domingo pola ría.