xoves, 21 abr 2016
Este venres, día 22 de abril, ás 20:30 h, terá lugar no vestíbulo do Auditorio "Mar de Vigo" o concerto da ORQUESTRA SINFÓNICA VIGO 430, que se inclúe no programa "Primavera 2016" , unha completa programación na que participan as catro seccións da Orquestra Vigo 430 e que conta coa colaboración da Concellería de Cultura .
xoves, 21 abr 2016
O venres, 22 de abril, terá lugar no Auditorio Martín Códax do CSMVigo o concerto que porá remate ao primeiro dos ciclos de NAS ONDAS, Festival da Música e das Artes do CSMVigo, que se desenvolve no Conservatorio entre os meses de abril e maio.O Concerto, baixo o título de "Proxecto Música Española", reunirá a alumnado e profesorado de diferentes conservatorios de Galicia que abordarán un repertorio de compositores hispanos. A cita será ás 20 horas, no Conservatorio, e a entrada, como en todos os actos de NAS ONDAS, é libre.
mércores, 20 abr 2016
A Concellería de Cultura colabora co Conservatorio Profesional de Música de Vigo no concerto que terá lugar o xoves 21 de abril, ás 20:00 h, no Auditorio Municipal do Concello. O concerto correrá a cargo do alumnado do departamento de conxunto e música de cámara, con actuacións de guitarra, trío de música de cámara e quinteto de metais, así como dos coros "júnior" e "sénior" do centro. A entrada será libre até completar aforamento.
xoves, 14 abr 2016
Este xoves 14 de abril, ás 20:00 h, inaugúrase na planta baixa da Casa das Artes (r/ Policarpo Sanz, 15) a exposición "Teatro Keyzán. 50 anos de creación escénica. Vigo 1966-2016", promovida pola Concellería de Cultura.
martes, 12 abr 2016
O concelleiro de Cultura, Cayetano Rodríguez, participou esta mañá na presentación en rolda de prensa de Nas ondas, Festival da Música e das Artes do Conservatorio Superior de Música de Vigo. Este certame se desenvolverá entre o 12 de abril e o 10 de xuño nas propias instalacións do centro, no Auditorio Municipal, no MARCO, na Igrexa María Auxiliadora ou na Praza da Pedra, entre outros.
venres, 8 abr 2016
Este domingo 10 de abril, ás 12:00 horas, celebrarase no vestíbulo do Auditorio "Mar de Vigo", o quinto concerto do programa "Primavera 2016" da Orquestra VIGO 430 , que conta coa colaboración da Concellería de Cultura.
martes, 5 abr 2016
A Asociación Amigos da Ópera de Vigo organiza a segunda edición do ciclo de Cine&Ópera que proxectará, todos os mércores do mes de abril, ás 20:30 h, no Auditorio Municipal do Concello, as películas "Quartet", "The Great Caruso", "Le Roi Danse" e "A night at the Opera", respectivamente. As proxeccións realizaranse en versión orixinal subtitulada en español.Acceso libre até completar aforamento.
mércores, 30 mar 2016
O Museo Liste convoca o III Concurso de Fotografía co que se pretende fomentar o coñecemento e a creatividade a través da práctica da fotografía co fin de destacar variados aspectos históricos e etnográficos da nosa cidade. "Vigo: símbolos da cidade" é o tema elixido para este ano coa intención de recoller aqueles símbolos que os cidadáns consideran representativos da cidade olívica. Prazo de admisión das obras ata o 3 de maio de 2016 ás 14:00 h.
luns, 21 mar 2016
A Xunta de Goberno Local aprobou este luns a normativa que regula a transferencia de financiamento ao Museo de Arte Contemporánea de Vigo que se concreta en tres achegas de 201.666 euros cada unha. Abel Caballero considera "inaceptable" que tanto a Xunta de Galicia como o Ministerio de Cultura reducisen as súas axudas ao MARCO, sendo o Concello o que "financia practicamente na súa totalidade" o centro.
xoves, 17 mar 2016
O xoves, 17 de marzo, ás 20:00 h, terá lugar na sala de exposicións da Casa Galega da Cultura (Praza da Princesa, 2), a inauguración da mostra "Retallos da nosa Historia", integrada nos actos da Reconquista da Vila de Vigo, organizados pola AVC do Casco Vello, coa colaboración do Concello de Vigo.