xoves, 11 feb 2016
Esta fin de semana da comezo a programación municipal de artes escénicas, VIGOCULTURA, que se desenvolverá no Auditorio Municipal do Concello durante os meses de febreiro a maio, con espectáculos para adultos os venres e para público familiar os domingos.O venres 12, ás 21:00 h, Teatro do Morcego representará a obra "Presidente" e o domingo 14, ás 18:00 h, á compañía Tromplicallo "Rumpelstikin. O anano saltarín".
venres, 29 xan 2016
Este domingo, día 31 de xaneiro, terá lugar o primeiro concerto do programa "PRIMAVERA 2016" da ORQUESTRA VIGO 430, que conta coa colaboracion da Concellería de Cultura. A orquestra sinfónica, agrupación principal da 430, será a encargada de inaugurar o ciclo baixo a dirección de Vicent Alberola e a violinista Rusanda Panfili como solista. O concerto terá lugar ás 12:00 h no vestíbulo do Auditorio "Mar de Vigo", con entradas a 10 € en anticipada e 12 no despacho de billetes do auditorio; a venda de entradas e abonos realízase a través de Ticketea (www.ticketea.com)
xoves, 28 xan 2016
O alcalde de Vigo e a presidenta da Deputación asinaron este xoves un protocolo de colaboración para a instalación -estimada no mes de marzo- dunha escultura en granito de "Balbino", personaxe de "Memorias dun Neno Labrego", como "homenaxe" ao seu autor, o recentemente falecido Xosé Neira Vilas. A obra ubicarase no entorno da biblioteca municipal Neira Vilas, en Martínez Garrido.
venres, 22 xan 2016
A Casa das Artes acolle a exposición "XX Maratón Fotográfico Concello de Vigo", organizada pola Concellería de Cultura e maila Agrupación Fotográfica Galega. O maratón tivo lugar o 14 e 15 de novembro pasados, cun total de 165 participantes que tiveron 24 h para fotografar catro temas: "Fronteira", "Ausencia", "Ilusión óptica" e "Pequenos Mundos".A exposición permanecerá aberta ao público ata o 28 de febreiro.
venres, 22 xan 2016
A Concellería de Cultura presenta a programación municipal de artes escénicas "Vigocultura" que se desenvolverá no Auditorio Municipal do Concello dende o 12 de febreiro ao 15 de maio, ambos inclusive.
mércores, 20 xan 2016
Este mércores presentouse a programación de primavera da Orquestra Vigo 430, que ofrece oito concertos nun ciclo "ambicioso e de alcance" segundo o seu director artístico, Javier Escobar. Abel Caballero manifestou o apoio do goberno local a esta formación que reúne a músicos da canteira viguesa.
xoves, 14 xan 2016
A Casa Galega da Cultura inaugura a mostra "TECIDO CRU. Deseñar e construír", organizada por ESDEMGA (Estudos Superiores en Deseño Textil e Moda de Galicia) e a Universidade de Vigo, coa colaboración do Concello de Vigo e que se poderá visitar ata o 21 de febreiro.
mércores, 13 xan 2016
O Museo Liste-Etnográfico de Vigo, xestionados pola Fundación Liste coa colaboración da Concellería de Cultura, presenta a súa programación para o primeiro trimestre do ano, que contará coa exposición permanente, exposicións temporais, actividades complementarias e do ciclo anual, obradoiros e concursos.Os seus horarios son:DE MARTES A SÁBADO: de 10:00 h a 14:00 h e MÉRCORES: de 10:00 h a 14:00 h. e de 17:00 h. a 19:00 h.
mércores, 13 xan 2016
A exposición "Estraño cotián. A colección de Artes Decorativas do Museo Municipal de Vigo Quiñones de León", promovida pola Concellería de Cultura, que se desenvolve no Museo de Castrelos, amplía a súa apertura ao público ata o 26 de xuño.
mércores, 30 dec 2015
A Pinacoteca Municipal "Francisco Fernández del Riego" acolle a exposición "Así nos ven. Así somos?. A imaxen da muller na arte", unha produción da Concellería de Cultura, comisariada por Susana Cendán e que se poderá visitar ata finais do mes de xuño.