martes, 10 nov 2015
O alcalde acudiu hoxe martes á Casa Galega da Cultura para participar na inauguración de "Galicia imaxinada nas revistas de emigración", unha exposición que retrata a través de vinte paneis a imaxe que os emigrantes teñen de Galicia. Caballero fixo un chamamento á eliminación do voto rogado por ser unha "enorme dificultade" para que os emigrantes poidan exercer o seu dereito.
martes, 3 nov 2015
O mércores dia 4 comeza a terceira edición do festival vertixeVIGO15, un festival internacional de creación musical contemporánea que se extenderá durante todo o mes de novembro e que organizan conxuntamente a Concellería de Cultura e maila Asociación Cultural VERTIXE SONORA.
xoves, 29 out 2015
O venres día 30 de outubro, ás 20:00 h, a Fundación Laxeiro (r/ Policarpo Sanz, 15) inaugura a exposición titulada The flickering darkness, un proxecto do artista español afincado en Londres, Juan delGado (Cartagena, Murcia, 1965) que por primeira vez se exhibe en España.
venres, 23 out 2015
Cayetano Rodríguez presentou este venres xunto con Daniel Diz, director artístico de Amigos da Ópera de Vigo, a programación do Outono Lírico que trae á cidade nos próximos meses 4 espectáculos que poderán gozarse no Teatro Sala de Concertos de Afundación e nos que haberá representación viguesa coa participación do Coro Gaos, o Coro da Universidade e a Orquestra Sinfónica 430. O programa ábrese este sábado día 24 coa ópera Curlew River de Benjamin Britten.
venres, 23 out 2015
Na presentación da terceira edición deste festiva, o concelleiro de Cultura eloxiou "a capacidade creativa" e o "compromiso" dos organizadores e comprometeu "continuidade a este tipo de eventos no futuro". VertixeVIGO15 é un festival internacional de creación musical contemporánea que se extenderá durante todo o mes de novembro.
venres, 23 out 2015
A fin de semana do 14 e 15 de novembro a Agrupación Fotográfica Galega organiza a vixésima edición da Maratón Fotográfica Concello de Vigo. Neste certame, que conta con colaboración municipal, poderán participar todas as persoas maiores de 14 anos que formalicen a súa inscrición presencial ou telemáticamente.
martes, 20 out 2015
Abel Caballero saúda a proposta de Estrella Galicia de cooperar co deporte e a cultura de Vigo para enraizar na cidade. Así llo trasladou esta mañá ao director de relacións institucionais da empresa, Antonio Vigo, nun encontro que mantiveron esta mañá de martes na Alcaldía.
venres, 16 out 2015
Esta fin de semana, o Auditorio Municipal do Concello (praza do Rei, 1) acollerá dous espectáculos teatrais dirixidas a público adulto. O venres día 16 Producciones Viridiana presentará a súa obra "Ligeros de equipaje. Crónica de la retirada"; e o sábado a compañía A PANADARÍA estrea a obra "Panamericana".
xoves, 15 out 2015
o Museo comeza hoxe 15, e durante este trimestre, unha serie de actividades tendentes a coñecer mellor a nosa cidade. Con "Historia das rúas" achegarase ao noso rueiro e aos persoeiros que lle deron nome a través de percorridos de coñecemento das súas persoais vidas;quen foron, a que se dedicaron, que queda deles na nosa cidade, desvelando aspectos do noso patrimonio.
venres, 2 out 2015
A Casa Galega da Cultura acolleu este venres a inauguración da exposición "Xaime Isla: Raíz e Utopía de Galicia", que quere divulgar a vida e obra do pensador galeguista no centenario do seu nacemento. A mostra organizada pola Fundación Isla Couto conta coa colaboración do Concello de Vigo e permanecerá aberta ata o 2 de novembro.