Esta fin de semana, o Auditorio Municipal do Concello (praza do Rei, 1) acollerá dous espectáculos teatrais dirixidas a público adulto. O venres día 16 Producciones Viridiana presentará a súa obra "Ligeros de equipaje. Crónica de la retirada"; e o sábado a compañía A PANADARÍA estrea a obra "Panamericana".
o Museo comeza hoxe 15, e durante este trimestre, unha serie de actividades tendentes a coñecer mellor a nosa cidade. Con "Historia das rúas" achegarase ao noso rueiro e aos persoeiros que lle deron nome a través de percorridos de coñecemento das súas persoais vidas;quen foron, a que se dedicaron, que queda deles na nosa cidade, desvelando aspectos do noso patrimonio.
A Casa Galega da Cultura acolleu este venres a inauguración da exposición "Xaime Isla: Raíz e Utopía de Galicia", que quere divulgar a vida e obra do pensador galeguista no centenario do seu nacemento. A mostra organizada pola Fundación Isla Couto conta coa colaboración do Concello de Vigo e permanecerá aberta ata o 2 de novembro.
"A vida dun lapis" de Julio Fernández Peláez é o relato gañador da segunda edición do concurso que organiza a Editorial Elvira en colaboración coa Asociación de Comerciantes do Casco Vello da cidade. O xurado tivo que decidir entre 174 textos, escritos en galego e castelán, chegados dende Galicia, diferentes cidades españolas e países de Europa e Latinoamérica.
Nestes días continúa aberto o prazo de matrícula para os cursos de adultos que se desenvolverán no MARCO nesta tempada 2015-16: tres novas propostas a cargo de José Manuel López, Ana Pereira e Vertixe Sonora, coa colaboración de relatores invitados, que ofrecen diferentes visións e percorridos pola historia do cinema, da arte e da música máis recente.
Este venres, 2 de outubro, da comezo a programación municipal de artes escénicas, Vigocultura, que se desenvolverá no Auditorio Municipal do Concello (praza do Rei, 1) durante os meses de outubro, novembro e decembro.A artista Guadi Galego será a encargada de inaugurar o ciclo, ás 21:00 h, co seu traballo "Lúas de Outubro a Agosto".
Caballero deu a coñecer este luns a programación prevista para outono no Auditorio Municipal do Concello, unha oferta diversa con 19 espectáculos de música, danza e teatro tanto para público adulto como familiar. O goberno local destina a esta actividade 67.000 euros. As entradas pódense adquirir desde os 5 euros, con abonos dispoñibles que conlevan ata un 25% de desconto.
Nun encontro celebrado esta mañá co director da Banda, José Iglesias, Abel Caballero asumiu o compromiso de estudar a acción musical proposta pola entidade para celebrar diferentes concertos en toda a cidade. O alcade anuncia que demandará á Xunta de Galicia a ampliación do número de prazas no Conservatorio Profesional de Vigo porque nestes momentos é "claramente insuficiente".
Caballero participou este mércores na presentación de "Emerxencias", un ciclo de cinema ao aire libre que terá lugar os xoves, ás 22 horas, na praza que conforman as rúas San Sebastián e Ferrería, desde mañá ata o 24 de setembro. Caballero invitou á cidadanía a presenciar as proxeccións programadas, que ofrecen longametraxes, cine colectivo galego, web series e animación.
Abel Caballero presentou este xoves a programación do outono do Festival SinSal, xunto ao seu codirector, Julio Gómez, e invitou aos vigueses e viguesas a acudir aos catro concertos programados. A primeira actuación terá lugar o 6 de setembro, no Auditorio do Concello, a cargo da estadounidense Angel Olsen.