venres, 3 xuñ 2016
O alcalde, acompañado pola directora artística do Festival de Jazz de Vigo, Lucía Martínez, e polo concelleiro de Cultura, Cayetano Rodríguez, destacou a calidade musical do Imaxinasons que, sendo un proxecto integramente municipal, é xa unha "referencia cultural urbana da cidade" querendo ser unha "peza esencial do desenvolvemento do jazz en Galicia". O programa para o que se destinan 150.000 euros, un 15% máis ca na edición anterior, desenvólvese dende o 1 ata o 9 de xullo en diferentes espazos vigueses.
martes, 31 mai 2016
O mércores, 1 de xuño, dará comezo o Ciclo de Música de Cámara, organizado polo Conservatorio Superior de Música de Vigo en colaboración coa Concellería de Cultura. O ciclo prolongarase ata o venres no Auditorio Municipal do Concello e tomarán parte os grupos gañadores do II Concurso de Música de Cámara do CSMVigo; así, mañán actuarán Laura Zapatero (piano) e Raquel Fernández (violín) que obtiveron o primeiro premio, ademais de Patricia Sío (clarinete) e David Núñez (piano), 3ª mención de honra.
xoves, 26 mai 2016
Por primeira vez, o fotógrafo Valentín González (Xixón, 1955), presenta o seu traballo en Galicia. Baixo o título Círculos de confusión, reúne unha selección de trinta obras que ilustran o percorrido creativo emprendido por este singular artista, hai máis de vinte anos e que se pode visitar na sede da Fundación Laxeiro do xoves 26 de maio ata o 25 de xuño, 2016.<br />
venres, 20 mai 2016
2Cellos visitan España por primeira vez con concertos en Madrid e en Vigo, no Auditorio Mar de Vigo este sábado, ás 21 horas, da man de 1906. Na presentación do evento, o alcalde agradeceu á Corporación Hijos de Rivera o "desenvolvemento cultural" na cidade.
luns, 16 mai 2016
O concelleiro de Cultura, Cayetano Rodríguez, presentou este luns a programación do Festival Internacional de cine de Vigo que proxectará 55 curtas e 22 longametraxes ao longo de dez xornadas nas que haberá charlas, retrospectivas de cinema galego, proxeccións para os máis pequenos e unha clase maxistral de Mario Iglesias.
venres, 13 mai 2016
Como cada ano dende 1977, o ICOM (Consello Internacional de Museos) convida aos museos do mundo enteiro a celebrar o 18 de maio o Día Internacional do Museo, creado para promover o interese xeral pola xestión e as actividades dos museos e centros de arte. O lema deste ano é ‘Museos e paisaxes culturais’, que salienta a idea dos museos como centros territoriais de protección activa da paisaxe cultural.Por este motivo, a Concellería de Cultura organiza un programa especial dentro da Rede de Museos Municipais que terá lugar os días 14, 15 e 18 de maio.
xoves, 12 mai 2016
Rosa Úbeda (Pontevedra, 1958) presenta na Fundación Laxeiro de Vigo a exposición individual titulada Anomia, un proxecto no que a través dunha selección de obras de diferentes épocas, a artista propón un percorrido da súa linguaxe pictórica. A exposición poderá visitarse do 13 de maio ó 10 de xullo.<br />
mércores, 11 mai 2016
O II Festival da Cultura Pop concentra máis de cincuenta actividades ao longo de tres xornadas nas que contará coa presenza de artistas de referencia do cómic, manga, cine, xogos e literatura fantástica e tamén con especialistas no II Concurso Cosplay. O encontro, que se desenvolve na Estación Marítima de Vigo, colaborará co Banco de Alimentos.
xoves, 28 abr 2016
O vindeiro venres, 29 de abril, ás 20.00h terá lugar na Fundación Laxeiro (r/Policarpo Sanz, 15, 3º, Vigo) a presentación do último libro de Pedro Burgos Montero (Puertollano, Ciudad Real, 1955), titulado La luz estremecida que ven de ser publicado por Editorial Discursiva, con ilustracións de Amelia Palacios.
venres, 22 abr 2016
Abel Caballero avanzou esta mañá que Vigo contará este ano cunha "gran feira do libro" que se instalará na céntrica Porta do Sol e na rúa Príncipe. Así llo trasladou esta mañá aos representantes dos libreiros cos que esta mañá un encontro, un día antes da conmemoración do Día do Libro.