venres, 30 set 2016
Nestes días continúa aberto o prazo de matrícula para dous dos cursos de adultos que se desenvolverán no MARCO nesta tempada 2016-17: novos ciclos a cargo de Ana Pereira e José Manuel López, coa colaboración de relatores invitados, que ofrecen diferentes visións e percorridos pola historia da escultura e do cinema, que terán lugar entre os meses de otubro 2016 e maio de 2017.
venres, 30 set 2016
Abel Caballero eloxiou a calidade literaria do III Certame de Relatos Vigo histórico durante a presentación do fallo do xurado que por primeira vez premia a unha muller e un texto en galego. No mes de decembro realizarase o acto de entrega dos recoñecementos, que inclúe cinco accésits.
martes, 27 set 2016
O próximo xoves 29 de setembro arranca no Auditorio Municipal a décimo cuarta edicion do Festival Sinsal outono, que esta ano contará con catro actuacións. O Concello, una vez máis, coopera cun evento musical con propostas musicais exclusivas que se escoitarán noutros espazos municipais como o MARCO ou a Casa das Artes.
venres, 23 set 2016
O goberno de Vigo presentou este venres a programación de VigoCultura para o último trimestre, 22 propostas de música, danza, teatro e circo pensadas para todo tipo de públicos. Caballero resaltou que os espectáculos do primeiro semestre deste ano rexistraron tanto público como os de todo o 2014 e o 2015.
martes, 6 set 2016
Abel Caballero manifestou este martes a vontade municipal de que Vigo continúe acollendo a entrega dos Premios da Crítica de Galicia para o que avanza que "seguiremos cooperando" coa Fundación. Tras unha reunión coa directiva, o alcalde informou que o acto da edición 2016 será en Vigo o 19 de novembro.
xoves, 11 ago 2016
Abel Caballero e Carmela Silva, como máximos responsables do Concello e a Deputación, respectivamente participaron este xoves na presentación deste libro, con palabras de Félix Bello e a pintura de Rosa Elvira Caamaño. A publicación recolle 42 acuarelas e bosquexos de paisaxes galegas complementados con impresións escritas que logran transmitir sensacións.
venres, 22 xul 2016
A concelleira de Festas, Ana Laura Iglesias, participou este venres na presentación da VII Festa da Cultura, os días 22 e 23 de xullo, e enmarcada no programa "Vigo en Festas 2016". Como novidade deste ano, a edil anunciou concertos na Porta do Sol dos grupos que ensaian no recinto municipal VigoSónico.
xoves, 14 xul 2016
Este xoves 14 de xullo, ás 20:00 h, inaugúrase na sala de exposicións da Casa Galega da Cultura (praza da Princesa, 2) a exposición "Afinidades Selectivas 9", organizada pola Universidade de Vigo, coa colaboración da Concellería de Cultura, fruto do convenio existente entrambas entidades.
mércores, 6 xul 2016
Este xoves 7 de xullo, ás 20:00 h, inaugúrase na planta primeira da Casa das Artes (r/ Policarpo Sanz, 15) a exposición "Transbordo espacial. Partituras gráficas" do Pelayo Fernández Arrizabalaga, dentro da programación do Festival de Jazz de Vigo "Imaxina Sons'16" que promove e organiza a Concellería de Cultura.
venres, 1 xul 2016
O alcalde animou á cidadanía a sumarse a esta cita durante a inauguración da 42ª edición da Feira do Libro de Vigo que, dende hoxe e durante dez días, ten programadas presentacións de novidades literarias, coloquios e outras actividades de animación e promoción lectora na Porta so Sol onde están presentes catorce librerías da cidade. <br />