venres, 27 xan 2017
As paredes da Alcaldía lucirán nas próximas semanas as obras de Rafael Alonso, un dos mestres da acuarela contemporánea. Caballero, durante a inauguración, eloxiou a técnica e a sensibilidade da obra e explicou que é a primeira vez que se exhibe esta colección ao completo, dando forma a unha exposición que serve para manter vivo o recordo do artista. Unha vez máis, Mostrarte colaborara coa divulgación da expresión artística na nosa cidade.
venres, 27 xan 2017
A Xunta de Goberno Local aprobou as transferencias de financiamento ao Museo Liste (90.000 euros) e ao Museo de Arte Contemporánea de Vigo (605.000 euros). Caballero explicou que o MARCO "está financiado practicamente na súa totalidade polo Concello" e denunciou que a Xunta "só" achega 100.000 euros e o Goberno de España, 35.000.
xoves, 26 xan 2017
O alcalde certificou a colaboración municipal nunha reunión cos responsables da Fundación Carlos Casares, autor recoñecido no Día das Letras Galegas deste ano, "un gran vigués nado en Ourense", en verbas de Caballero. A Fundación solicitou nomear "Carlos Casares" á confluencia da Hispanidade con Pintor Colmeiro.
venres, 20 xan 2017
Desde o venres 3 de febreiro ata o 30 de abril, o Concello programará 25 espectáculos diferentes e 29 funcións no Auditorio Municipal, dentro do cartel de Vigocultura. Serán 24 grupos artísticos os que ofertarán propostas para todo tipo de público.
xoves, 19 xan 2017
O Museo "Quiñones de Léon" de Castrelos acolle a exposición "Divino Profano. Cultos, imaxes e significados", promovida polo Concello de Vigo.
mércores, 18 xan 2017
O edil de Cultura, Cayetano Rodríguez, participou este mércores na presentación dos concertos da orquestra, ciclo que comeza este 22 de xaneiro no Auditorio Mar de Vigo con Paquito D'Rivera. O director artístico da Vigo 430, Javier Escobar, revelou que o programa deste ano é o "máis ambicioso" dos presentados ata o momento e conta cun elenco de artistas invitados "do que podería presumir calquera orquestra europea"
luns, 16 xan 2017
Segundo informou Abel Caballero, o Boletín Oficial da Provincia publica este luns a convocatoria das bolsas de estudos que oferta o goberno de Vigo para o alumnado da Escola Oficial de Idiomas de Vigo. Os interesados poden optar desde este martes a algunha das 92 prazas dispoñibles, despois de que o Concello duplicara este ano o orzamento e o número de vacantes.
xoves, 12 xan 2017
Airas ensemble presenta o seu primeiro disco nun concerto no que interpretarán obras de Jesús Bal y Gay e Darius Milhaud, como unha pequena mostra do que se pode escoitar no seu primeiro CD.O Airas ensemble é un quinteto de vento, formado por solistas galegos, procedentes da NDR Radiophilharmonie Hannover, Bilbo Orkestra Sinfónika, European Chamber Players, Real Filharmonía de Galicia e a Orquestra 430 de Vigo.
mércores, 11 xan 2017
A Concellería de Cultura oferta novas visitas guiadas á exposición "Emporium. Mil anos de comercio en Vigo", que se celebra no Verbum-Casa das Palabras e que presenta as relacións comerciais de Vigo dende a Prehistoria ata a chegada dos árabes á Península Ibérica. A mostra está aberta ata o 28 de maio.
mércores, 21 dec 2016
A Concellería de Cultura presenta a exposición "Circa 70. Lírica e deformación no cambio de era", que se inaugurará o mércores 21 de decembro, ás 12:00 h, na Pinacoteca Municipal Francisco Fernández del Riego (r/ Abeleira Menéndez, 8), comisariada polo director do Museo "Quiñones de León", José Ballesta de Diego. A exposición reúne obras dunha serie de artistas galegos, maioritariamente traballando en Galicia e especialmente en Vigo, ao redor de 1970, practicando todos eles, desde diversos enfoques, unha linguaxe figurativa.