Despois de achegarse ao cemiterio de Pereiró este xoves, Abel Caballero definiu a Alfonso Zulueta de Haz como un "defensor do mundo da cultura", un "gran vigués, unha gran persoa", que "tan bo nome e tantos bos recordos deixou na cidade".
O Padroado do MARCO acordou onte martes a súa "adaptación" ao que "mandan os estatutos", quedando as administracións partícipes representadas en función da súa participación no orzamento do Museo -o Concello achega o 75,24% do total, segundo recordou o alcalde-. Caballero defendeu que "é o momento" de "dinamizar" o MARCO e dotalo dunha "ambición distinta".
O alcalde convidou este luns á cidadanía a presenciar as actuacións programadas na décimo terceira edición do Festival de Jazz de Vigo, Imaxina Sons'17, do 30 de xuño ao 8 de xullo en distintos puntos da cidade. Esta iniciativa municipal trae a Vigo a figuras emerxentes e consolidadas do jazz europeo, ao tempo que promove as propostas galegas e peninsulares máis interesantes.
Por segundo ano consecutivo, Vigo será a primeira parada do Tour de presentación da "Escola de Rock", proxecto promovido polo concello portugués de Paredes de Coura. Será mañá sábado, ás 18,00 h.
Na presentación do "Atlantico Express", a viaxe en tren entre Vigo e Oporto para promover os festivais da provincia, o rexedor puxo en valor a importancia destes eventos musicais que "se enraízan nas festas" populares.
O alcalde recibiu este mércores á cantante Ángeles Ruibal quen lle presentou o disco que vén de publicar no que rende homenaxe á poetisa musicando e interpretando a súa obra con catorce temas en galego e castelán. A cantante española, amiga da escritora María do Carme Kruckenberg, falecida no ano 2015, contou no seu novo álbum coa guitarra e dirección musical de Cuchús Pimentel.
O Concello clausurou esta semana a mostra "Emporium: Mil Anos de Comercio en Vigo", aberta no Museo Verbum en xuño do pasado ano. O alcalde enxalzou o "éxito extraordinario" e a "gran calidade" da exposición, que "pon de relieve a historia de Vigo nos mil primeiros anos da era cristiá".
O alcalde avanzou hoxe xoves que a ocupación da biblioteca municipal do Auditorio Mar de Vigo é do 100% cando apenas transcorreron dez días desde a súa apertura. Caballero cualificou de éxito o funcionamento dun espazo de lectura demandado con "clamor" na cidade, con 450 prazas e un horario 9,00 a 21,00 h de luns a domingo, dotado con conexión wifi e novas tecnoloxías.
Pintura e poesía únense por primeira vez na exposición de Ambel na Alcaldía, baixo o título "Vigo: a cidade arte", nunha nova edición do programa Mostrarte. As paisaxes da cidade olívica que propón o artista inspiran os textos de Mikel O'Ferdinand, que acompañan cada cadro de Ambel.
O alcalde animou á cidade a achegarse aos espazos culturais da cidade para gozar da programación organizada con motivo do Día Internacional dos Museos. Entre o 18 e o 21 de maio haberá visitas guiadas e concertos en todos os centros municipais, con horario máis amplo do habitual.