venres, 4 ago 2017
O alcalde, Abel Caballero, presentou a programación da Noite Branca, o próximo venres 11 de agosto, cos museos de Vigo abertos ata as dúas da mañá, 37 visitas guiadas, a inauguración da nova mostra Forever Young na Casa das Artes, exposicións temporais e ata dez concertos. <br />
xoves, 3 ago 2017
A mostra "Carlos Casares e a fotografía", organizada polo Concello e a Fundación do escritor, amosará durante un mes na Casa da Cultura Galega unha faceta creativa descoñecida do escritor con fotos do seu álbum persoal.
venres, 21 xul 2017
No transcurso da sinatura do convenio entre Xunta e Universidade de Vigo para a exhibición do manuscrito do século XIII en Vigo, Abel Caballero salientou o "encontro coa nosa propia historia, tradición e cultura" que supón o regreso a Vigo do documento.
martes, 11 xul 2017
Este martes tivo lugar a inauguración dunha nova edición deste ciclo que enche de arte os espazos da Alcaldía do Concello de Vigo, desta volta a cargo da viguesa Anta Termes, licenciada en Belas Artes pola Universidade de Sevilla, que expón a súa proposta pictórica nunha veintena de obras.
martes, 11 xul 2017
O alcalde e a presidenta da Deputación rubricaron este martes un convenio de apoio ao festival de cultura urbana, que acollerá Vigo do 11 ao 13 de agosto. A Deputación achega 181.500 euros e o Concello, 218.500 euros, un respaldo que garante a celebración de O Marisquiño en Vigo, asegurou Abel Caballero.
xoves, 6 xul 2017
O Concello e a Deputación de Pontevedra asinaron este xoves un convenio de apoio por 155.000 euros ao evento, que aúna gastronomía, música e deporte, e celébrase do 7 ao 9 de xullo
xoves, 29 xuñ 2017
Coa participación do alcalde, a 43ª edición da Feira do Libro de Vigo arrancou este xoves, e ata o 8 de xullo, na Porta do Sol, en horario de 11 a 14 e de 17:30 a 22 horas. Abel Caballero manifestou que agarda que emprazalo no "mellor sitio da cidade" sirva "para favorecer, para estimular, para apoiar" o evento.
xoves, 29 xuñ 2017
Despois de achegarse ao cemiterio de Pereiró este xoves, Abel Caballero definiu a Alfonso Zulueta de Haz como un "defensor do mundo da cultura", un "gran vigués, unha gran persoa", que "tan bo nome e tantos bos recordos deixou na cidade".
mércores, 14 xuñ 2017
O Padroado do MARCO acordou onte martes a súa "adaptación" ao que "mandan os estatutos", quedando as administracións partícipes representadas en función da súa participación no orzamento do Museo -o Concello achega o 75,24% do total, segundo recordou o alcalde-. Caballero defendeu que "é o momento" de "dinamizar" o MARCO e dotalo dunha "ambición distinta".
luns, 12 xuñ 2017
O alcalde convidou este luns á cidadanía a presenciar as actuacións programadas na décimo terceira edición do Festival de Jazz de Vigo, Imaxina Sons'17, do 30 de xuño ao 8 de xullo en distintos puntos da cidade. Esta iniciativa municipal trae a Vigo a figuras emerxentes e consolidadas do jazz europeo, ao tempo que promove as propostas galegas e peninsulares máis interesantes.